लंडन
ऑस्ट्रेलियाने पाकिस्तानविरुद्धच्या सामन्यात ४१ धावांनी विजय प्राप्त केला आहे. या विजयासह ऑस्ट्रेलियाने एकूण ६ गुणांसह गुणतालिकेत दुसऱ्या स्थानी झेप घेतली आहे.
ऑस्ट्रेलियाने दिलेल्या ३०७ धावांच्या आव्हानाचा पाठलाग करताना पाकिस्तानचा डाव २६६ धावांत संपुष्टात आला. पाकिस्तानकडून सलामीवीर इमाम-उल-हक याने अर्धशतक ठोकलं. तर मोहम्मद हाफीजने ४६ धावा केल्या. अखेरच्या षटकात हसन अली याने १५ चेंडूत ३२ धावा ठोकून सामन्यात रंगत आणली होती. तर वहाब रियाझनंही ३९ चेंडूत ४५ धावा करुन ऑस्ट्रेलियाच्या नाकी नऊ आणले होते. रियाझनं ३ उत्तुंग षटकार आणि दोन चौकार ठोकले. कर्णधार सरफराज अहमद(४०) अखेरपर्यंत खेळपट्टीवर उभा होता. मात्र, संघाला विजय प्राप्त करुन देण्यात सरफराज अपयशी ठरला. ग्लेन मॅक्सवेलने सरफराजला धावचीत करून पाकचा डाव संपुष्टात आणला.
ऑस्ट्रेलिया विरुद्ध पाकिस्तान स्कोअरकार्ड
तत्पूर्वी, ऑस्ट्रेलियाकडून सलामीवीर डेव्हिड वॉर्नरने खणखणीत शतक ठोकून संघाच्या धावसंख्येची पायाभरणी केली. अॅरॉन फिंचने ८२ धावांचं महत्त्वपूर्ण योगदान दिलं. दोघांनी सलामीसाठी १४६ धावांची भागीदारी रचली. सलामीजोडी वगळता ऑस्ट्रेलियाच्या इतर कोणत्याही फलंदाजाला चांगली कामगिरी करता आली नाही. त्यामुळे ऑस्ट्रेलियाची सुरुवात दमदार झालेली असूनही त्यांना ३०७ धावांवर समाधान मानावं लागलं. पाकिस्तानकडून मोहम्मद आमीरने ५ विकेट घेतल्या. मोहम्मद आमीरच्या भेदक गोलंदाजीसमोर ऑस्ट्रेलियाची मधली फळी पूर्णपणे ढासळली. घेतलेल्या बळींमध्ये अॅरॉन फिंच, शॉन मार्श, उस्मान ख्वाजा, अॅलेक्स कॅरी या महत्त्वाच्या फलंदाजांचा समावेश आहे.
ऑस्ट्रेलियाने पाकिस्तानविरुद्धच्या सामन्यात ४१ धावांनी विजय प्राप्त केला आहे. या विजयासह ऑस्ट्रेलियाने एकूण ६ गुणांसह गुणतालिकेत दुसऱ्या स्थानी झेप घेतली आहे.
ऑस्ट्रेलियाने दिलेल्या ३०७ धावांच्या आव्हानाचा पाठलाग करताना पाकिस्तानचा डाव २६६ धावांत संपुष्टात आला. पाकिस्तानकडून सलामीवीर इमाम-उल-हक याने अर्धशतक ठोकलं. तर मोहम्मद हाफीजने ४६ धावा केल्या. अखेरच्या षटकात हसन अली याने १५ चेंडूत ३२ धावा ठोकून सामन्यात रंगत आणली होती. तर वहाब रियाझनंही ३९ चेंडूत ४५ धावा करुन ऑस्ट्रेलियाच्या नाकी नऊ आणले होते. रियाझनं ३ उत्तुंग षटकार आणि दोन चौकार ठोकले. कर्णधार सरफराज अहमद(४०) अखेरपर्यंत खेळपट्टीवर उभा होता. मात्र, संघाला विजय प्राप्त करुन देण्यात सरफराज अपयशी ठरला. ग्लेन मॅक्सवेलने सरफराजला धावचीत करून पाकचा डाव संपुष्टात आणला.
ऑस्ट्रेलिया विरुद्ध पाकिस्तान स्कोअरकार्ड
तत्पूर्वी, ऑस्ट्रेलियाकडून सलामीवीर डेव्हिड वॉर्नरने खणखणीत शतक ठोकून संघाच्या धावसंख्येची पायाभरणी केली. अॅरॉन फिंचने ८२ धावांचं महत्त्वपूर्ण योगदान दिलं. दोघांनी सलामीसाठी १४६ धावांची भागीदारी रचली. सलामीजोडी वगळता ऑस्ट्रेलियाच्या इतर कोणत्याही फलंदाजाला चांगली कामगिरी करता आली नाही. त्यामुळे ऑस्ट्रेलियाची सुरुवात दमदार झालेली असूनही त्यांना ३०७ धावांवर समाधान मानावं लागलं. पाकिस्तानकडून मोहम्मद आमीरने ५ विकेट घेतल्या. मोहम्मद आमीरच्या भेदक गोलंदाजीसमोर ऑस्ट्रेलियाची मधली फळी पूर्णपणे ढासळली. घेतलेल्या बळींमध्ये अॅरॉन फिंच, शॉन मार्श, उस्मान ख्वाजा, अॅलेक्स कॅरी या महत्त्वाच्या फलंदाजांचा समावेश आहे.