Ricky Ponting: 'विराटला वरचढ होऊ देऊ नका'

अॅडलेड : विराट कोहलीला अडचणीत आणता येऊ शकते, मात्र ऑस्ट्रेलियन गोलंदाजांनी त्याला वरचढ होण्याची संधी देऊ नये, असा सल्ला ऑस्ट्रेलियन संघाचा माजी कर्णधार रिकी पाँटिंगने दिला आहे.

भारतीय संघाच्या मागील ऑस्ट्रेलिया दौऱ्यामध्ये विराटने यशस्वी कामगिरी करताना ८६.२५ च्या सरासरीने ६९२ धावा केल्या होत्या. यावेळीही तो त्या कामगिरीची पुनरावृत्ती करण्यास उत्सुक असेल. मात्र, मी त्याला अडचणीत सापडलेले पाहिले आहे. मिचेल जॉन्सनने त्याला जखडून ठेवले होते. त्याच्या धावांचा ओघ थांबवता येऊ शकतो. मात्र, ऑस्ट्रेलियन गोलंदाजांनी त्याला वरचढ होऊ देऊ नये. ऑस्ट्रेलियन संघाने मैदानावर सकारात्मक देहबोली ठेवली, तरच ऑस्ट्रेलिया सर्वोत्तम क्रिकेट खेळू शकेल, असे पाँटिंग म्हणाला.