आज रंगणार वनडे वर्ल्डकप लढत
वृत्तसंस्था, लंडन
उपांत्य फेरीतील स्थान आधीच निश्चित केलेल्या ऑस्ट्रेलियन संघाची आज वनडे वर्ल्डकपमध्ये न्यूझीलंडविरुद्ध लढत होते आहे. भारताविरुद्धच्या पराभवानंतर सुसाट सुटलेल्या ऑस्ट्रेलियाची 'गाडी' न्यूझीलंड रोखणार का, याबाबत उत्सुकता आहे. अर्थात, या लढतीत ऑस्ट्रेलियाचेच पारडे जड मानले जाते आहे.
सुरुवातीला सलग दोन विजय मिळवल्यानंतर भारतीय संघाने अॅरॉन फिंचच्या नेतृत्वाखालील ऑस्ट्रेलिया संघाला रोखले. यानंतर ऑस्ट्रेलियाने पाकिस्तान, श्रीलंका, बांगलादेश, इंग्लंड या संघांना पराभूत करून उपांत्य फेरीतील स्थान निश्चित केले. ऑस्ट्रेलियाने सातपैकी सहा लढती जिंकल्या आहेत. हा संघ १२ गुणांसह अव्वल स्थानावर आहे. न्यूझीलंडला पराभूत करून हे अव्वल स्थान कायम राखण्याचा ऑस्ट्रेलियाचा प्रयत्न असेल.
दुसरीकडे, न्यूझीलंड संघाला पाकिस्तानकडून पराभव पत्करावा लागला. त्यामुळे किवी संघाची विजयी घोडदौड रोखली गेली. न्यूझीलंडने सात पैकी पाच लढती जिंकल्या असून, एक लढत गमावली आहे, तर एक लढत अनिर्णित राहिली आहे. न्यूझीलंड संघ अकरा गुणांसह तिसऱ्या स्थानावर आहे. न्यूझीलंडला सलग चौथ्यांदा उपांत्य फेरीत प्रवेश करण्यासाठी उर्वरित दोनपैकी एक लढत जिंकावी लागणार आहे.
इतिहास ऑस्ट्रेलियाच्या बाजूने
ऑस्ट्रेलिया आणि न्यूझीलंडमध्ये नेहमीच चुरस बघायला मिळाली आहे. २०१५च्या वर्ल्डकपमध्ये गटात न्यूझीलंडने ऑस्ट्रेलियाला पराभूत केले होते. अंतिम फेरीत हे दोन्ही संघ जेव्हा आमनेसामने आले तेव्हा ऑस्ट्रेलियाने न्यूझीलंडचे पहिल्यावहिल्या विजयाचे स्वप्न भंग केले होते. वनडेचा इतिहास ऑस्ट्रेलियाच्या बाजूने आहे. एवढेच नव्हे तर ऑस्ट्रेलियन संघाची 'भट्टी' चांगली जमली आहे. डेव्हिड वॉर्नर (५०० धावा), फिंच (४९६), स्मिथ (२८२), ख्वाजा (२१०), कॅरी (१७३), मॅक्सवेल (१४२) अशी खोलवर फलंदाजी ऑस्ट्रेलियाकडे आहे. फिंच-वॉर्नर ही सलामी जोडी या वर्ल्डकपमध्ये कमालीची यशस्वी ठरली आहे. त्यांनी तीन वेळा शतकी सलामी दिली आहे.
गोलंदाजीची मदार मिचेल स्टार्क (१९ विकेट), पॅट कमिन्स (११), स्टॉइनिस (७) यांच्यावर आहे. दुसरीकडे, न्यूझीलंड संघ कर्णधार केन विल्यमसनवर अवलंबून आहे. त्याने ५ डावांत ४१४ धावा केल्या आहेत. रॉस टेलर (२०३), नीशम (१७३), ग्रँडहोम (१५५) यांनी वेळोवेळी आपले योगदान दिले आहे. मार्टिन गप्टील (१३०) आणि कॉलिन मुन्रो (१२५) यांच्याकडून चांगल्या सलामीची अपेक्षा आहे. न्यूझीलंडच्या फर्ग्युसन (१५ विकेट), बोल्ट (९), हेन्री (८), नीशम (७), ग्रँडहोम (५) या गोलंदाजांसमोर ऑस्ट्रेलियन फलंदाजांना रोखण्याचे आव्हान असेल.
....
न्यूझीलंड-ऑस्ट्रेलिया
स्थळ : लॉर्ड्स, लंडन
वेळ : सायंकाळी ६ पासून
....
वनडेत आमनेसामने
१३६ वनडे
९० ऑस्ट्रेलियाचे विजय
३९ न्यूझीलंडचे विजय
७ अनिकाली
....
वर्ल्डकपमध्ये आमनेसामने
१० वनडे
७ ऑस्ट्रेलियाचे विजय
३ न्यूझीलंडचे विजय
वृत्तसंस्था, लंडन
उपांत्य फेरीतील स्थान आधीच निश्चित केलेल्या ऑस्ट्रेलियन संघाची आज वनडे वर्ल्डकपमध्ये न्यूझीलंडविरुद्ध लढत होते आहे. भारताविरुद्धच्या पराभवानंतर सुसाट सुटलेल्या ऑस्ट्रेलियाची 'गाडी' न्यूझीलंड रोखणार का, याबाबत उत्सुकता आहे. अर्थात, या लढतीत ऑस्ट्रेलियाचेच पारडे जड मानले जाते आहे.
सुरुवातीला सलग दोन विजय मिळवल्यानंतर भारतीय संघाने अॅरॉन फिंचच्या नेतृत्वाखालील ऑस्ट्रेलिया संघाला रोखले. यानंतर ऑस्ट्रेलियाने पाकिस्तान, श्रीलंका, बांगलादेश, इंग्लंड या संघांना पराभूत करून उपांत्य फेरीतील स्थान निश्चित केले. ऑस्ट्रेलियाने सातपैकी सहा लढती जिंकल्या आहेत. हा संघ १२ गुणांसह अव्वल स्थानावर आहे. न्यूझीलंडला पराभूत करून हे अव्वल स्थान कायम राखण्याचा ऑस्ट्रेलियाचा प्रयत्न असेल.
दुसरीकडे, न्यूझीलंड संघाला पाकिस्तानकडून पराभव पत्करावा लागला. त्यामुळे किवी संघाची विजयी घोडदौड रोखली गेली. न्यूझीलंडने सात पैकी पाच लढती जिंकल्या असून, एक लढत गमावली आहे, तर एक लढत अनिर्णित राहिली आहे. न्यूझीलंड संघ अकरा गुणांसह तिसऱ्या स्थानावर आहे. न्यूझीलंडला सलग चौथ्यांदा उपांत्य फेरीत प्रवेश करण्यासाठी उर्वरित दोनपैकी एक लढत जिंकावी लागणार आहे.
इतिहास ऑस्ट्रेलियाच्या बाजूने
ऑस्ट्रेलिया आणि न्यूझीलंडमध्ये नेहमीच चुरस बघायला मिळाली आहे. २०१५च्या वर्ल्डकपमध्ये गटात न्यूझीलंडने ऑस्ट्रेलियाला पराभूत केले होते. अंतिम फेरीत हे दोन्ही संघ जेव्हा आमनेसामने आले तेव्हा ऑस्ट्रेलियाने न्यूझीलंडचे पहिल्यावहिल्या विजयाचे स्वप्न भंग केले होते. वनडेचा इतिहास ऑस्ट्रेलियाच्या बाजूने आहे. एवढेच नव्हे तर ऑस्ट्रेलियन संघाची 'भट्टी' चांगली जमली आहे. डेव्हिड वॉर्नर (५०० धावा), फिंच (४९६), स्मिथ (२८२), ख्वाजा (२१०), कॅरी (१७३), मॅक्सवेल (१४२) अशी खोलवर फलंदाजी ऑस्ट्रेलियाकडे आहे. फिंच-वॉर्नर ही सलामी जोडी या वर्ल्डकपमध्ये कमालीची यशस्वी ठरली आहे. त्यांनी तीन वेळा शतकी सलामी दिली आहे.
गोलंदाजीची मदार मिचेल स्टार्क (१९ विकेट), पॅट कमिन्स (११), स्टॉइनिस (७) यांच्यावर आहे. दुसरीकडे, न्यूझीलंड संघ कर्णधार केन विल्यमसनवर अवलंबून आहे. त्याने ५ डावांत ४१४ धावा केल्या आहेत. रॉस टेलर (२०३), नीशम (१७३), ग्रँडहोम (१५५) यांनी वेळोवेळी आपले योगदान दिले आहे. मार्टिन गप्टील (१३०) आणि कॉलिन मुन्रो (१२५) यांच्याकडून चांगल्या सलामीची अपेक्षा आहे. न्यूझीलंडच्या फर्ग्युसन (१५ विकेट), बोल्ट (९), हेन्री (८), नीशम (७), ग्रँडहोम (५) या गोलंदाजांसमोर ऑस्ट्रेलियन फलंदाजांना रोखण्याचे आव्हान असेल.
....
न्यूझीलंड-ऑस्ट्रेलिया
स्थळ : लॉर्ड्स, लंडन
वेळ : सायंकाळी ६ पासून
....
वनडेत आमनेसामने
१३६ वनडे
९० ऑस्ट्रेलियाचे विजय
३९ न्यूझीलंडचे विजय
७ अनिकाली
....
वर्ल्डकपमध्ये आमनेसामने
१० वनडे
७ ऑस्ट्रेलियाचे विजय
३ न्यूझीलंडचे विजय