Tim Pain on DRS: ऑस्ट्रेलियन कर्णधार पेनकडून डीआरएसवर टीका

अॅडलेड : पंचांच्या निर्णयाचा आढावा घेणारी डीआरएस पद्धत नेहमीच टीकेची लक्ष्य बनली आहे. यावेळी ऑस्ट्रेलियाचा कर्णधार टिम पेन याने या पद्धतीवर टीका केली आहे. ही पद्धत हाताळणे कठीण आहे आणि ही यंत्रणा १०० टक्के अचूक नाही, असे पेनने म्हटले आहे.

भारताविरुद्धच्या पहिल्या कसोटीत डीआरएसचा फटका ऑस्ट्रेलियाला बसला. पंचांच्या निर्णयाचा आढावा घेतल्यानंतर काही निर्णय हे ऑस्ट्रेलियाविरुद्ध गेले होते. निगेल लाँग यांनी अजिंक्य रहाणेला १७ धावांवर असताना बाद दिले होते पण डीआरएसद्वारे तो नाबाद असल्याचे स्पष्ट झाले. चेतेश्वर पुजारादेखील ८ आणि १७ धावांवर बाद असल्याचा निर्णय पंचांनी दिला होता पण ते निर्णय चुकीचे ठरविण्यात आले. त्यावर पेन म्हणतो की, ही पद्धत पूर्णपणे अचूक नाही. त्यामुळे खेळाडूंची निराशा होते.