वृत्तसंस्था, बर्मिंगहॅम
ऑस्ट्रेलिया आणि न्यूझीलंड संघ आज, शुक्रवारी चॅम्पियन्स ट्रॉफी वनडे क्रिकेट स्पर्धेत आमनेसामने येणार आहेत. ऑस्ट्रेलियाचा कर्णधार स्टीव्ह स्मिथ आणि न्यूझीलंडचा कर्णधार केन विल्यमसन हे दोन्हीही सध्या फॉर्मात आहेत. त्यामुळे ही लढत स्मिथ विरुद्ध विल्यमसन अशीच बघितली जात आहे.
दोघांच्या वयात आणि कामगिरीत फारसा फरक नाही. संघाचे नेतृत्व करताना त्यांच्यातील जिद्दही सारखीच आहे. तांत्रिकदृष्ट्या फलंदाजीत दोन्ही खेळाडू तितकेच तरबेज आहेत. मात्र, कर्णधार म्हणून दोघांची शैली भिन्न आहे. स्मिथ हा मैदानात नेहमीच व्यग्र असतो. प्रचंड उत्साहाने तो वावरत असतो. प्रसंगी मैदानात पंचांशी वाद घालायलाही तो मागे पुढे पाहात नाही. केन विल्यमसन मात्र याविरुद्ध आहे. शांतपणे परिस्थिती हाताळायला त्याला आवडते. त्यामुळे दोन्ही संघ जेव्हा एजबॅस्टनच्या मैदानावर आमनेसामने येतील, तेव्हा निश्चितच एक रंगतदार लढत बघायला मिळेल.
स्पर्धेपूर्वी झालेल्या पहिल्या सराव सामन्यात न्यूझीलंडला भारताकडून पराभव पत्करावा लागला होता. न्यूझीलंडचा डाव ३८.४ षटकांत १८९ धावांत आटोपला होता. यानंतर दुसऱ्या सराव सामन्यात श्रीलंकेने दिलेले ३५७ धावांचे लक्ष्य न्यूझीलंडने २३ चेंडू राखून पूर्ण केले होते. यावरून निश्चितच न्यूझीलंडचा आत्मविश्वास उंचावला असणार. मार्टिन गप्टील, टॉम लॅथम, केन विल्यमसन, रॉस टेलर, नील ब्रूम, कोरी अँडरसन असे आक्रमक फलंदाज न्यूझीलंड संघात आहेत. त्याचबरोबर किवींकडे गोलंदाजीत ट्रेंट बोल्ट, अॅडम मिल्ने, टीम साउदी, मॅक्लनघन, मिचेल सँटनर, अँडरसन असे अनेक पर्याय आहेत.
दुसरीकडे, ऑस्ट्रेलिया संघही फॉर्मात आहे. पहिल्या सराव सामन्यात ऑस्ट्रेलियाने श्रीलंकेवर मात केली होती. दुसरा सराव सामना पावसामुळे रद्द झाला होता. ऑस्ट्रेलियाकडे डेव्हिड वॉर्नर आणि अॅरन फिंच ही आक्रमक सलामी जोडी आहे. ख्रिस लीन, स्मिथ, ग्लेन मॅक्सवेल, मॅथ्यू वेड असे फटकेबाजी करणारे फलंदाज ऑस्ट्रेलियाकडे आहेत. मिचेल स्टार्क, पॅट कमिन्स, जोश हॅझलवूड, जेम्स पॅटिनसन, मॉइसेस हेन्रिक्स यांच्यावर गोलंदाजीचा भार असेल. वेगवान खेळपट्ट्यांची दोन्ही संघांना सवय आहे. २०१५च्या वर्ल्ड कपच्या अंतिम फेरीत हे दोन्ही संघ आमनेसामने आले होते. त्यात ऑस्ट्रेलियाने न्यूझीलंडला सहज पराभूत केले होते. याची परतफेड करण्याची चांगली संधी न्यूझीलंडला आहे.
वनडे रँकिंग
ऑस्ट्रेलियाः २
न्यूझीलंडः ४
ऑस्ट्रेलिया: स्टीव्ह स्मिथ (कर्णधार), डेव्हिड वॉर्नर, अॅरन स्मिथ, पॅट कमिन्स, हॅस्टिंग्ज, जोश हॅझलवूड, ट्रॅव्हिस हेड, मॉइसेस हेन्रिक्स, ख्रिस लीन, ग्लेन मॅक्सवेल, जेम्स पॅटिनसन, मिचेल स्टार्क, मार्कस स्टॉइनिस, मॅथ्यू वेड, अॅडम झाम्पा.
न्यूझीलंड : केन विल्यमसन (कर्णधार), कोरी अँडरसन, ट्रेंट बोल्ट, नील ब्रूम, कॉलिन डी ग्रँडहोम, मार्टिन गप्टील, टॉम लॅथम, मिचेल मॅक्लनघन, अॅडम मिल्ने, जेम्स नीशम, जीतन पटेल, ल्युक राँची, मिचेल सँटनर, टीम साउदी, रॉस टेलर.
ऑस्ट्रेलिया वि. न्यूझीलंड
स्थळ : एजबॅस्टन, बर्मिंगहॅम
वेळ : दुपारी ३ पासून
आमनेसामने
१३५ वनडे
९० विजय ऑस्ट्रेलियाचे
३९ विजय न्यूझीलंडचे
६ अनिकाली
स्मिथ
९५ वनडे, ३१०१ धावा, ४३.६७ सरासरी, ८ शतके
विल्यमसन
१११ वनडे, ४३६१ धावा, ४५.९० सरासरी, ८ शतके.
ऑस्ट्रेलिया आणि न्यूझीलंड संघ आज, शुक्रवारी चॅम्पियन्स ट्रॉफी वनडे क्रिकेट स्पर्धेत आमनेसामने येणार आहेत. ऑस्ट्रेलियाचा कर्णधार स्टीव्ह स्मिथ आणि न्यूझीलंडचा कर्णधार केन विल्यमसन हे दोन्हीही सध्या फॉर्मात आहेत. त्यामुळे ही लढत स्मिथ विरुद्ध विल्यमसन अशीच बघितली जात आहे.
दोघांच्या वयात आणि कामगिरीत फारसा फरक नाही. संघाचे नेतृत्व करताना त्यांच्यातील जिद्दही सारखीच आहे. तांत्रिकदृष्ट्या फलंदाजीत दोन्ही खेळाडू तितकेच तरबेज आहेत. मात्र, कर्णधार म्हणून दोघांची शैली भिन्न आहे. स्मिथ हा मैदानात नेहमीच व्यग्र असतो. प्रचंड उत्साहाने तो वावरत असतो. प्रसंगी मैदानात पंचांशी वाद घालायलाही तो मागे पुढे पाहात नाही. केन विल्यमसन मात्र याविरुद्ध आहे. शांतपणे परिस्थिती हाताळायला त्याला आवडते. त्यामुळे दोन्ही संघ जेव्हा एजबॅस्टनच्या मैदानावर आमनेसामने येतील, तेव्हा निश्चितच एक रंगतदार लढत बघायला मिळेल.
स्पर्धेपूर्वी झालेल्या पहिल्या सराव सामन्यात न्यूझीलंडला भारताकडून पराभव पत्करावा लागला होता. न्यूझीलंडचा डाव ३८.४ षटकांत १८९ धावांत आटोपला होता. यानंतर दुसऱ्या सराव सामन्यात श्रीलंकेने दिलेले ३५७ धावांचे लक्ष्य न्यूझीलंडने २३ चेंडू राखून पूर्ण केले होते. यावरून निश्चितच न्यूझीलंडचा आत्मविश्वास उंचावला असणार. मार्टिन गप्टील, टॉम लॅथम, केन विल्यमसन, रॉस टेलर, नील ब्रूम, कोरी अँडरसन असे आक्रमक फलंदाज न्यूझीलंड संघात आहेत. त्याचबरोबर किवींकडे गोलंदाजीत ट्रेंट बोल्ट, अॅडम मिल्ने, टीम साउदी, मॅक्लनघन, मिचेल सँटनर, अँडरसन असे अनेक पर्याय आहेत.
दुसरीकडे, ऑस्ट्रेलिया संघही फॉर्मात आहे. पहिल्या सराव सामन्यात ऑस्ट्रेलियाने श्रीलंकेवर मात केली होती. दुसरा सराव सामना पावसामुळे रद्द झाला होता. ऑस्ट्रेलियाकडे डेव्हिड वॉर्नर आणि अॅरन फिंच ही आक्रमक सलामी जोडी आहे. ख्रिस लीन, स्मिथ, ग्लेन मॅक्सवेल, मॅथ्यू वेड असे फटकेबाजी करणारे फलंदाज ऑस्ट्रेलियाकडे आहेत. मिचेल स्टार्क, पॅट कमिन्स, जोश हॅझलवूड, जेम्स पॅटिनसन, मॉइसेस हेन्रिक्स यांच्यावर गोलंदाजीचा भार असेल. वेगवान खेळपट्ट्यांची दोन्ही संघांना सवय आहे. २०१५च्या वर्ल्ड कपच्या अंतिम फेरीत हे दोन्ही संघ आमनेसामने आले होते. त्यात ऑस्ट्रेलियाने न्यूझीलंडला सहज पराभूत केले होते. याची परतफेड करण्याची चांगली संधी न्यूझीलंडला आहे.
वनडे रँकिंग
ऑस्ट्रेलियाः २
न्यूझीलंडः ४
ऑस्ट्रेलिया: स्टीव्ह स्मिथ (कर्णधार), डेव्हिड वॉर्नर, अॅरन स्मिथ, पॅट कमिन्स, हॅस्टिंग्ज, जोश हॅझलवूड, ट्रॅव्हिस हेड, मॉइसेस हेन्रिक्स, ख्रिस लीन, ग्लेन मॅक्सवेल, जेम्स पॅटिनसन, मिचेल स्टार्क, मार्कस स्टॉइनिस, मॅथ्यू वेड, अॅडम झाम्पा.
न्यूझीलंड : केन विल्यमसन (कर्णधार), कोरी अँडरसन, ट्रेंट बोल्ट, नील ब्रूम, कॉलिन डी ग्रँडहोम, मार्टिन गप्टील, टॉम लॅथम, मिचेल मॅक्लनघन, अॅडम मिल्ने, जेम्स नीशम, जीतन पटेल, ल्युक राँची, मिचेल सँटनर, टीम साउदी, रॉस टेलर.
ऑस्ट्रेलिया वि. न्यूझीलंड
स्थळ : एजबॅस्टन, बर्मिंगहॅम
वेळ : दुपारी ३ पासून
आमनेसामने
१३५ वनडे
९० विजय ऑस्ट्रेलियाचे
३९ विजय न्यूझीलंडचे
६ अनिकाली
स्मिथ
९५ वनडे, ३१०१ धावा, ४३.६७ सरासरी, ८ शतके
विल्यमसन
१११ वनडे, ४३६१ धावा, ४५.९० सरासरी, ८ शतके.