नवी दिल्लीः पुलवामा हल्ल्यात शहीद झालेल्या जवानांच्या कुटुंबीयांना २० कोटी रुपये देण्याचा निर्णय भारतीय नियामक मंडळाने (बीसीसीआय) घेतला आहे. आर्मी वेल्फेयर फंडात बीसीसीआय ही रक्कम जमा करणार आहे. बीसीसीआयने घेतलेल्या या निर्णयाचे स्वागत केले जात आहे. चेन्नई येथे सुरू होणाऱ्या इंडियन प्रीमियर लीगच्या (आयपीएल) शुभारंभीच्या सामन्यात हवाई दल, नौदल आणि लष्करी अधिकाऱ्यांना आमंत्रित करण्याचा विचार बीसीसीआयकडून केला जात असल्याची माहिती मिळत आहे. आयपीएलचा पहिला सामना चेन्नई सुपर किंग्स विरुद्ध रॉयल चॅलेंजर्स बेंगळुरू असा होणार आहे. प्रशासक समितीने आर्मी वेल्फेअर फंडात २० कोटी रुपये जमा करण्याची परवानगी दिली आहे. आयपीएलचा शुभारंभीच्या सामन्यात माजी कर्णधार महेंद्र सिंह धोनी आणि कर्णधार विराट कोहली उपस्थित असतील, अशी माहिती एका अधिकाऱ्याकडून देण्यात आली.
गेल्या वर्षी आयपीएल सामन्यांच्या उद्घाटन समारंभासाठी १५ कोटी रुपयांचा खर्च करण्यात आले होते. यावर्षी हे बजेट वाढवून त्याची रक्कम २० कोटी करण्यात आली आहे आणि ही रक्कम आर्मी वेल्फेअर फंडात जमा करण्यात येणार असल्याचे समजते.
गेल्या वर्षी आयपीएल सामन्यांच्या उद्घाटन समारंभासाठी १५ कोटी रुपयांचा खर्च करण्यात आले होते. यावर्षी हे बजेट वाढवून त्याची रक्कम २० कोटी करण्यात आली आहे आणि ही रक्कम आर्मी वेल्फेअर फंडात जमा करण्यात येणार असल्याचे समजते.