मुंबई भारतीय क्रिकेट संघाच्या प्रशिक्षकपदासाठी भारतीय क्रिकेट नियामक मंडळाकडे (बीसीसीआय) तब्बल २ हजार अर्ज आले आहेत. मात्र, या अर्जांमध्ये रवी शास्त्री यांना आव्हान ठरू शकेल असं कोणतंही मोठं नाव नाही, अशी माहिती समोर आली आहे.
ऑस्ट्रेलियाचे माजी अष्टपैलू खेळाडू टॉम मूडी यांनीही भारतीय संघाच्या प्रशिक्षकपदासाठी अर्ज दाखल केला आहे. याशिवाय, न्यूझीलंडचे माजी प्रशिक्षक माइक हेसन देखील इच्छुक आहेत. भारतीय माजी खेळाडूंपैकी रॉबीन सिंग आणि लालचंद राजपूत यांचा समावेश आहे.
श्रीलंकेचा माजी क्रिकेटपटू महेला जयवर्धने देखील भारतीय संघाच्या मुख्य प्रशिक्षकपदासाठी इच्छुक असल्याची माहिती समोर आली होती. मात्र, जयवर्धनेने अद्याप अर्ज केलेला नाही. तर दक्षिण आफ्रिकेचा माजी क्रिकेटपटू जॉन्टी ऱ्होड्सने भारतीय संघाच्या क्षेत्ररक्षणाच्या प्रशिक्षकपदासाठी याआधीच अर्ज केला आहे.
माजी क्रिकेटपटू कपिल देव यांच्या अध्यक्षतेखालील समिती भारतीय संघाच्या मुख्य प्रशिक्षकाची नियुक्ती करणार आहे. कपिल देव यांच्यासोबत अंशुमन गायकवाड आणि शांता रंगास्वामी या समितीचे सदस्य आहेत. येत्या १४ आणि १५ ऑगस्ट रोजी प्रशिक्षकपदासाठीच्या मुलाखती होणार आहेत.
ऑस्ट्रेलियाचे माजी अष्टपैलू खेळाडू टॉम मूडी यांनीही भारतीय संघाच्या प्रशिक्षकपदासाठी अर्ज दाखल केला आहे. याशिवाय, न्यूझीलंडचे माजी प्रशिक्षक माइक हेसन देखील इच्छुक आहेत. भारतीय माजी खेळाडूंपैकी रॉबीन सिंग आणि लालचंद राजपूत यांचा समावेश आहे.
श्रीलंकेचा माजी क्रिकेटपटू महेला जयवर्धने देखील भारतीय संघाच्या मुख्य प्रशिक्षकपदासाठी इच्छुक असल्याची माहिती समोर आली होती. मात्र, जयवर्धनेने अद्याप अर्ज केलेला नाही. तर दक्षिण आफ्रिकेचा माजी क्रिकेटपटू जॉन्टी ऱ्होड्सने भारतीय संघाच्या क्षेत्ररक्षणाच्या प्रशिक्षकपदासाठी याआधीच अर्ज केला आहे.
माजी क्रिकेटपटू कपिल देव यांच्या अध्यक्षतेखालील समिती भारतीय संघाच्या मुख्य प्रशिक्षकाची नियुक्ती करणार आहे. कपिल देव यांच्यासोबत अंशुमन गायकवाड आणि शांता रंगास्वामी या समितीचे सदस्य आहेत. येत्या १४ आणि १५ ऑगस्ट रोजी प्रशिक्षकपदासाठीच्या मुलाखती होणार आहेत.