लंडन:विश्वचषक स्पर्धेसाठी भारतीय क्रिकेट संघातले खेळाडू मान मोडून सराव करत असून नेटमध्येही प्रतिस्पर्धी संघ समोर उभा असल्याप्रमाणे खेळत आहेत. भारतीय क्रिकेट नियामक मंडळाच्या (बीसीसीआय) अधिकृत ट्विटर अकाउंटवरून याबाबतचा एक व्हिडिओ शेअर करण्यात आला असून त्यात भारताचा माजी कर्णधार महेंद्रसिंह धोनी एका मागोमाग एक षटकार मारताना दिसतोय. यंदाच्या विश्वचषक स्पर्धेसाठी 'टीम इंडिया' फेव्हरिट संघ मानला जातोय. त्यातही धोनीकडून क्रिकेटप्रेमींना मोठ्या आशा आहेत. त्याची फलंदाजी आणि रणनीती संघासाठी नेहमीच फायदेशीर ठरते. विश्वचषकातील भारताचा पहिला सामना उद्या दक्षिण आफ्रिकेविरुद्ध होणार आहे. या सामन्यासाठी भारतीय संघ कसून सराव करतोय. या दरम्यानचा व्हिडिओ शेअर केला असून त्यात धोनीसह अन्य खेळाडूही सराव करताना दिसत आहेत. सरावादरम्यान धोनी अगदी सहजगत्या चेंडू नेटबाहेर टोलवताना दिसतोय. धोनीसह संपूर्ण संघाचा उत्साह बघता विश्वचषकात भारत मोठ्या तयारीनिशी उतरला असल्याचं स्पष्ट होत आहे. प्रत्यक्ष मैदानात काय होणार, याची उत्सुकता आता क्रिकेटरसिकांना लागली आहे.
'नेट'मध्येही धोनी पाडतोय षटकारांचा पाऊस
विश्वचषक स्पर्धेसाठी भारतीय क्रिकेट संघातले खेळाडू मान मोडून सराव करत असून नेटमध्येही प्रतिस्पर्धी संघ समोर उभा असल्याप्रमाणे खेळत आहेत. भारतीय क्रिकेट नियामक मंडळाच्या (बीसीसीआय) अधिकृत ट्विटर अकाउंटवरून याबाबतचा एक व्हिडिओ शेअर करण्यात आला असून त्यात भारताचा माजी कर्णधार महेंद्रसिंह धोनी एका मागोमाग एक षटकार मारताना दिसतोय.
महाराष्ट्र टाइम्स.कॉम 4 Jun 2019, 12:37 pm