नवी दिल्ली:
भारतीय क्रिकेट नियामक मंडळाची (बीसीसीआय) मान्यता असलेल्या स्पर्धांमध्ये वयचोरीप्रकरणी दोषी आढळणाऱ्या क्रिकेटपटूंवर दोन वर्षांची बंदी घालण्यात येणार असल्याची घोषणा बीसीसीआयने मंगळवारी केली. बीसीसीआयने वयचोरी अजिबात सहन न करण्याचे धोरण स्वीकारले असून यापूर्वीही याप्रकरणी दोषी आढळलेल्या खेळाडूंवर कठोर कारवाई करण्यात आल्याचे बीसीसीआयने म्हटले आहे.
या वर्षी मे महिन्यात दिल्ली येथे झालेल्या सीओएच्या बैठकीमध्ये वयचोरीसाठी असलेल्या शिक्षेबाबत फेरविचार करण्यात आला. यापूर्वी वयचोरीसाठी केवळ एका वर्षाच्या बंदीची शिक्षा होती. ती शिक्षा आता दुपटीने वाढवण्यात आली आहे. भारतातील देशांतर्गत क्रिकेटमध्ये, विशेषत: विविध वयोगटांच्या स्पर्धांमध्ये वयचोरीची प्रकरणे सर्रास आढळतात. भारताच्या कायदा व्यवस्थेनुसार खोटा जन्मदाखल सादर करणे हा फौजदारी गुन्हा आहे. त्यामुळे बीसीसीआयनेही आता वयचोरी करणाऱ्यांविरुद्ध फौजदारी गुन्हा दाखल करण्याचा निर्णय घेतला आहे.
भारतीय क्रिकेट नियामक मंडळाची (बीसीसीआय) मान्यता असलेल्या स्पर्धांमध्ये वयचोरीप्रकरणी दोषी आढळणाऱ्या क्रिकेटपटूंवर दोन वर्षांची बंदी घालण्यात येणार असल्याची घोषणा बीसीसीआयने मंगळवारी केली. बीसीसीआयने वयचोरी अजिबात सहन न करण्याचे धोरण स्वीकारले असून यापूर्वीही याप्रकरणी दोषी आढळलेल्या खेळाडूंवर कठोर कारवाई करण्यात आल्याचे बीसीसीआयने म्हटले आहे.
या वर्षी मे महिन्यात दिल्ली येथे झालेल्या सीओएच्या बैठकीमध्ये वयचोरीसाठी असलेल्या शिक्षेबाबत फेरविचार करण्यात आला. यापूर्वी वयचोरीसाठी केवळ एका वर्षाच्या बंदीची शिक्षा होती. ती शिक्षा आता दुपटीने वाढवण्यात आली आहे. भारतातील देशांतर्गत क्रिकेटमध्ये, विशेषत: विविध वयोगटांच्या स्पर्धांमध्ये वयचोरीची प्रकरणे सर्रास आढळतात. भारताच्या कायदा व्यवस्थेनुसार खोटा जन्मदाखल सादर करणे हा फौजदारी गुन्हा आहे. त्यामुळे बीसीसीआयनेही आता वयचोरी करणाऱ्यांविरुद्ध फौजदारी गुन्हा दाखल करण्याचा निर्णय घेतला आहे.