चॅम्पियन्स ट्रॉफी ठरवेल धोनीचे भवितव्य

कोलकाताः लंडनमध्ये रंगणाऱ्या आगामी चॅम्पियन्स ट्रॉफीतील कामगिरीवरून भारताचा माजी कर्णधार महेंद्रसिंग धोनीचे पुढील भवितव्य ठरेल, असे मत व्यक्त केले आहे ते त्याचे बालपणीचे प्रशिक्षक केशव बॅनर्जी यांनी.

‘त्या स्पर्धेत धोनी यशस्वी ठरला तर २०१९च्या वर्ल्डकपमध्ये खेळेल. वयोमानानुसार धोनीच्या धावांमधील सातत्य कमी झाले आहे; पण त्याचा मेंदू तल्लख आहे. सामन्याचा अंदाज त्याला खूप लवकर येतो. शिवाय त्याच्या फटक्यांमध्ये आजही ताकद आहे’, असे बॅनर्जी यांना वाटते.