म. टा. क्रीडा प्रतिनिधी, नागपूर
इकनूर सिंगच्या अष्टपैलू खेळाच्या जोरावर डॉ. आंबेडकर कॉलेज स्पोर्ट्स अकादमी संघाने शरद भाके स्मृती क्रिकेट स्पर्धेच्या अंतिम फेरीत प्रवेश केला. विजेतेपदासाठी आता डॉ. आंबेडकर कॉलेज स्पोर्ट्स अकादमी आणि सिटी जिमखाना यांच्यात लढत होईल. विजेतेपदाची लढत शनिवारी शरद भाके क्रिकेट अकादमीच्या मैदानावर होईल.
शुक्रवारी शरद भाके क्रिकेट अकादमीच्या विद्याविहार मैदानावर पहिल्या उपांत्य फेरीत रेशीमबाग जिमखाना व डॉ. आंबेडकर कॉलेज स्पोर्ट्स अकादमी यांच्यात लढत झाली. अत्यंत चुरशीच्या ठरलेल्या या लढतीत इकनूर सिंगच्या अष्टपैलू खेळाच्या जोरावर डॉ. आंबेडकर अकादमी संघाने ७ धावांनी विजय मिळवत स्पर्धेच्या अंतिम फेरीत प्रवेश केला. उपांत्य लढतीत नाणेफेक जिंकत रेशीमबाग जिमखाना संघाने प्रथम गोलंदाजीचा निर्णय घेतला.
डॉ. आंबेडकर अकादमीने निर्धारित ३० षटकांत पाच गडी गमावून १७७ धावा केल्या. सुलतान चिमथनवालाने नाबाद ५२ धावांचे योगदान दिले. इकनूर सिंगने ३८ व रियांश गुप्ताने २८ धावा केल्या. रेशीमबाग जिमखानाच्या अथर्व मानेने दोन, जितेश बसेना व लोकेश धोपटेने प्रत्येकी एक गडी बाद केला. विजयाचा पाठलाग करताना रेशीमबाग जिमखानाचा डाव २८.४ षटकांत १७० धावांत संपुष्टात आला व डॉ. आंबेडकर अकादमीने फक्त सात धावांनी विजय नोंदवून अंतिम फेरी गाठली. लोकेश धोपटेने नाबाद ४३ धावा केल्या. अखेरपर्यंत संघाच्या विजयासाठी तो झटला. परंतु, त्याला अन्य फलंदाजांची अधिक साथ मिळाली नाही. श्रीधर शर्माने ३१, रनबिर मुनघाटेने २७ धावा केल्या. डॉ. आंबेडकर अकादमीच्या अन्वय लाडेने तीन व इकनूर सिंगने दोन गडी बाद करून विजयात महत्त्वपूर्ण योगदान दिले. अष्टपैलू कामगिरी करणारा डॉ. आंबेडकर अकादमीचा इकनूर सिंग सामनावीर पुरस्काराचा मानकरी ठरला.
दुसऱ्या उपांत्य लढतीत 'होमग्राऊंड' चा फायदा घेत सिटी जिमखानाने रुबी स्पोर्टिंग क्लबला तीन गड्यांनी नमवून अंतिम फेरी प्रवेश निश्चित केला. सिटी जिमखाना मैदानावरील लढतीत प्रथम फलंदाजी करणाऱ्या रुबी क्लबने निर्धारित षटकांत नऊ गडी गमावून १३९ धावा केल्या. मल्हार जोशीने ४२, सर्वेश इखनकरने १९ आणि तनीष भल्लाने १८ धावांचे योगदान दिले. सिटी जिमखानाच्या क्रिश भाटीने भेदक मारा करीत १५ धावांत चार गडी बाद करण्याची कामगिरी केली. जय पाठकने दोन गडी बाद केले. विजयाचे लक्ष्य सिटी जिमखानाने २९.३ षटकांत सात गडी गमावून पूर्ण केले. खरॉय नासरेने नाबाद ५१, प्रशांत निंबाळकरने २२, प्रणव वाडसकरने २० धावा करून संघाला विजय मिळवून देण्यात महत्त्वपूर्ण योगदान दिले. रुबी क्लबच्या मल्हार दोशी व आदित्य भार्गवने प्रत्येकी दोन गडी बाद केले.
इकनूर सिंगच्या अष्टपैलू खेळाच्या जोरावर डॉ. आंबेडकर कॉलेज स्पोर्ट्स अकादमी संघाने शरद भाके स्मृती क्रिकेट स्पर्धेच्या अंतिम फेरीत प्रवेश केला. विजेतेपदासाठी आता डॉ. आंबेडकर कॉलेज स्पोर्ट्स अकादमी आणि सिटी जिमखाना यांच्यात लढत होईल. विजेतेपदाची लढत शनिवारी शरद भाके क्रिकेट अकादमीच्या मैदानावर होईल.
शुक्रवारी शरद भाके क्रिकेट अकादमीच्या विद्याविहार मैदानावर पहिल्या उपांत्य फेरीत रेशीमबाग जिमखाना व डॉ. आंबेडकर कॉलेज स्पोर्ट्स अकादमी यांच्यात लढत झाली. अत्यंत चुरशीच्या ठरलेल्या या लढतीत इकनूर सिंगच्या अष्टपैलू खेळाच्या जोरावर डॉ. आंबेडकर अकादमी संघाने ७ धावांनी विजय मिळवत स्पर्धेच्या अंतिम फेरीत प्रवेश केला. उपांत्य लढतीत नाणेफेक जिंकत रेशीमबाग जिमखाना संघाने प्रथम गोलंदाजीचा निर्णय घेतला.
डॉ. आंबेडकर अकादमीने निर्धारित ३० षटकांत पाच गडी गमावून १७७ धावा केल्या. सुलतान चिमथनवालाने नाबाद ५२ धावांचे योगदान दिले. इकनूर सिंगने ३८ व रियांश गुप्ताने २८ धावा केल्या. रेशीमबाग जिमखानाच्या अथर्व मानेने दोन, जितेश बसेना व लोकेश धोपटेने प्रत्येकी एक गडी बाद केला. विजयाचा पाठलाग करताना रेशीमबाग जिमखानाचा डाव २८.४ षटकांत १७० धावांत संपुष्टात आला व डॉ. आंबेडकर अकादमीने फक्त सात धावांनी विजय नोंदवून अंतिम फेरी गाठली. लोकेश धोपटेने नाबाद ४३ धावा केल्या. अखेरपर्यंत संघाच्या विजयासाठी तो झटला. परंतु, त्याला अन्य फलंदाजांची अधिक साथ मिळाली नाही. श्रीधर शर्माने ३१, रनबिर मुनघाटेने २७ धावा केल्या. डॉ. आंबेडकर अकादमीच्या अन्वय लाडेने तीन व इकनूर सिंगने दोन गडी बाद करून विजयात महत्त्वपूर्ण योगदान दिले. अष्टपैलू कामगिरी करणारा डॉ. आंबेडकर अकादमीचा इकनूर सिंग सामनावीर पुरस्काराचा मानकरी ठरला.
दुसऱ्या उपांत्य लढतीत 'होमग्राऊंड' चा फायदा घेत सिटी जिमखानाने रुबी स्पोर्टिंग क्लबला तीन गड्यांनी नमवून अंतिम फेरी प्रवेश निश्चित केला. सिटी जिमखाना मैदानावरील लढतीत प्रथम फलंदाजी करणाऱ्या रुबी क्लबने निर्धारित षटकांत नऊ गडी गमावून १३९ धावा केल्या. मल्हार जोशीने ४२, सर्वेश इखनकरने १९ आणि तनीष भल्लाने १८ धावांचे योगदान दिले. सिटी जिमखानाच्या क्रिश भाटीने भेदक मारा करीत १५ धावांत चार गडी बाद करण्याची कामगिरी केली. जय पाठकने दोन गडी बाद केले. विजयाचे लक्ष्य सिटी जिमखानाने २९.३ षटकांत सात गडी गमावून पूर्ण केले. खरॉय नासरेने नाबाद ५१, प्रशांत निंबाळकरने २२, प्रणव वाडसकरने २० धावा करून संघाला विजय मिळवून देण्यात महत्त्वपूर्ण योगदान दिले. रुबी क्लबच्या मल्हार दोशी व आदित्य भार्गवने प्रत्येकी दोन गडी बाद केले.