म. टा. प्रतिनिधी, औरंगाबाद
अॅडव्होकेट्स स्पोर्ट्स अँड कल्चरल अकादमीतर्फे आयोजित अॅड. उदय पांडे स्मृती औद्योगिक टी-२० क्रिकेट स्पर्धेत शहर पोलिस ब संघ आणि एमआर तन्वीर इलेव्हन या संघांनी विजयी आगेकूच कायम ठेवली.
गरवारे क्रीडा संकुलावर ही स्पर्धा होत आहे. शहर पोलिस ब संघाने मेघा इलेक्ट्रिकल्स संघाचा पाच विकेट्स राखून पराभव केला. एमआर तन्वीर इलेव्हनने एमआर शोएब इलेव्हनवर ७३ धावांनी सहज विजय साकारला.
संक्षिप्त स्कोअरबोर्ड : १) मेघा इलेक्ट्रिकल्स संघ : २० षटकात नऊ बाद ९८ (अमर यादव २४, आशिष नाईक २०, सचिन हातोळे १५, नीलेश टेकाळे १०, सय्यद जावेद ३-१९, संतोष राऊत ३-११, राजू पराचके, अलिम शेख, गजानन आडे प्रत्येकी एक विकेट) पराभूत विरुद्ध शहर पोलिस ब संघ : १७.१ षटकात पाच बाद ९९ (आकाश विश्वकर्मा २९, संतोष राऊत नाबाद २२, पंकज दळवी नाबाद १३, सय्यद जावेद १२, ऋषिकेश नायर २-१०, अमर यादव २-२०, सुशील गणोरकर १-१५). सामनावीर : संतोष राऊत.
२) एमआर तन्वीर इलेव्हन : २० षटकात चार बाद १७८ (सलमान खान ४०, अब्दुल वाहेद नाबाद ३४, झुबीर मोहंमदी नाबाद २७, अब्दुल कय्युम २२, अदनान अहमद १९, सय्यद जावेद ११, इतर २५, आदिल अहमद २-२५, सिराज काझी, इम्रान खान प्रत्येकी एक विकेट) विजयी विरुद्ध एमआर शोएब इलेव्हन : २० षटकात सहा बाद १०५ (तहसीन अहमद ३८, रिझवान सय्यद २२, आदिल अहमद नाबाद १०, इतर १२, अब्दुल वाहेद ३-१०, मुस्ताफ तन्वीर २-३४, झुबीर मोहंमदी १-१६). सामनावीर : अब्दुल वाहेद.