वृत्तसंस्था, नवी दिल्ली
भारतीय क्रिकेट संघामध्ये माजी सलामीवीर असणारे वीरेंद्र सेहवाग आणि गौतम गंभीर दिल्लीच्या क्रिकेट संघटनेमध्येही एकत्र दिसणार आहेत. नव्याने स्थापन करण्यात आलेल्या दिल्ली आणि जिल्हा क्रिकेट संघटनेतील क्रिकेट समितीत या दोघांचा समावेश करण्यात आला आहे. या दोघांबरोबरच आकाश चोप्रा आणि राहुल संघवी यांच्या निवडीवरून हितसंबंधांच्या संघर्षाचा वाद पुन्हा पेटण्याची शक्यता आहे.
संघटनेचे अध्यक्ष रजत शर्मा यांनी बुधवारी ही माहिती दिली. सेहवाग आणि गंभीर यांच्याबरोबरच आकाश चोप्रा आणि राहुल संघवी याही माजी क्रिकेटपटूंचा या समितीमध्ये समावेश आहे. या सदस्यांना आता प्रशिक्षक, निवड समितीच्या सदस्यांची निवड आणि खेळासंबंधीच्या अन्य मुद्द्यांवर निर्णय घेण्यासंबंधीची प्रक्रिया निश्चित करण्याचे अधिकार देण्यात आले आहेत. लोढा समितीच्या शिफारसींनुसार ही निवड केल्याचे रजत शर्मा यांनी म्हटले आहे. मात्र, या निवडीवरून पुन्हा एकदा हितसंबंधांच्या संघर्षाचा वाद समोर येण्याची शक्यता आहे. गंभीर अजूनही खेळत आहे. तसेच, मागील वर्षी संघटनेमध्ये सरकारचा प्रतिनिधी म्हणून त्याची नियुक्ती करण्यात आली होती. मात्र, प्रशासक न्या. विक्रमजीत सेन यांनी हा निर्णय रोखून धरला होता. रजत शर्मा यांचा गट संघटनेत सत्तेवर आल्यानंतर पुन्हा गंभीरची नियुक्ती केली आहे. तर, सेहवागची क्रिकेट अकादमी असून, रजत शर्मा यांची मालकी असणाऱ्या वृत्तवाहिनीवर तो तज्ज्ञ म्हणून जातो. तसेच, संघवी मुंबई इंडियन्सशी संबंधित आहे, तर आकाश चोप्रा विविध वृत्तवाहिन्यांवर तज्ज्ञ म्हणून जात आहे. तसेच, संघवी व आकाश चोप्रा मुंबईमध्ये राहात आहेत. त्यामुळे, या चौघांच्या नियुक्तीला आक्षेप घेण्यात येत आहे. संघटनेचे सचिव विनोद तिहारा यांनी यातील वादाची शक्यता मान्य केली आहे. मात्र, या निवडी मानद असू शकतात, असेही नमूद केले आहे.
भारतीय क्रिकेट संघामध्ये माजी सलामीवीर असणारे वीरेंद्र सेहवाग आणि गौतम गंभीर दिल्लीच्या क्रिकेट संघटनेमध्येही एकत्र दिसणार आहेत. नव्याने स्थापन करण्यात आलेल्या दिल्ली आणि जिल्हा क्रिकेट संघटनेतील क्रिकेट समितीत या दोघांचा समावेश करण्यात आला आहे. या दोघांबरोबरच आकाश चोप्रा आणि राहुल संघवी यांच्या निवडीवरून हितसंबंधांच्या संघर्षाचा वाद पुन्हा पेटण्याची शक्यता आहे.
संघटनेचे अध्यक्ष रजत शर्मा यांनी बुधवारी ही माहिती दिली. सेहवाग आणि गंभीर यांच्याबरोबरच आकाश चोप्रा आणि राहुल संघवी याही माजी क्रिकेटपटूंचा या समितीमध्ये समावेश आहे. या सदस्यांना आता प्रशिक्षक, निवड समितीच्या सदस्यांची निवड आणि खेळासंबंधीच्या अन्य मुद्द्यांवर निर्णय घेण्यासंबंधीची प्रक्रिया निश्चित करण्याचे अधिकार देण्यात आले आहेत. लोढा समितीच्या शिफारसींनुसार ही निवड केल्याचे रजत शर्मा यांनी म्हटले आहे. मात्र, या निवडीवरून पुन्हा एकदा हितसंबंधांच्या संघर्षाचा वाद समोर येण्याची शक्यता आहे. गंभीर अजूनही खेळत आहे. तसेच, मागील वर्षी संघटनेमध्ये सरकारचा प्रतिनिधी म्हणून त्याची नियुक्ती करण्यात आली होती. मात्र, प्रशासक न्या. विक्रमजीत सेन यांनी हा निर्णय रोखून धरला होता. रजत शर्मा यांचा गट संघटनेत सत्तेवर आल्यानंतर पुन्हा गंभीरची नियुक्ती केली आहे. तर, सेहवागची क्रिकेट अकादमी असून, रजत शर्मा यांची मालकी असणाऱ्या वृत्तवाहिनीवर तो तज्ज्ञ म्हणून जातो. तसेच, संघवी मुंबई इंडियन्सशी संबंधित आहे, तर आकाश चोप्रा विविध वृत्तवाहिन्यांवर तज्ज्ञ म्हणून जात आहे. तसेच, संघवी व आकाश चोप्रा मुंबईमध्ये राहात आहेत. त्यामुळे, या चौघांच्या नियुक्तीला आक्षेप घेण्यात येत आहे. संघटनेचे सचिव विनोद तिहारा यांनी यातील वादाची शक्यता मान्य केली आहे. मात्र, या निवडी मानद असू शकतात, असेही नमूद केले आहे.