सेहवागने शोधला गायप्रेमी फेडरर!

मटा ऑनलाइन वृत्त । नवी दिल्ली

क्रिकेटचं मैदान सोडल्यानंतर भारताचा धडाकेबाज माजी सलामीवीर वीरेंद्र सेहवाग सध्या सोशल मीडियाचं मैदान चांगलंच गाजवत असून आता महान टेनिसपटू रॉजर फेडररकडे त्याने आपला मोर्चा वळवला आहे. फेडरर आणि गाय यांच्यात कसा जिव्हाळा आहे, याचे भन्नाट फोटोच सेहवागने ट्विट केले असून हे ट्विट भलतंच चर्चेत आलं आहे.

नुकतीच आठव्यांदा विम्बल्डनला गवसणी घालणाऱ्या फेडररचे तीन फोटो सेहवागने आपल्या ट्विटमध्ये पोस्ट केले आहेत. या तिनही फोटोंत फेडरर आणि गाय ही साम्यस्थळे आहेत. या फोटोंच्या अनुशंगाने अत्यंत मार्मिक आणि नेमकं वाक्य सेहवागने लिहिलं आहे. 'महान रॉजर फेडररचं गायप्रेम पाहून आनंद झाला', असे सेहवागने त्यात म्हटलंय.


Cow love of the legend Roger Federer. So wonderful to see. pic.twitter.com/Yk7NWuuM4W — Virender Sehwag (@virendersehwag) July 18, 2017
दरम्यान, सेहवागचं हे ट्विट सोशल मीडियात चांगलंच व्हायरल होऊ लागलं आहे. गाय हा भारतात सध्यातरी संवेदनशील विषय आहे. अर्थात त्यामुळेच सेहवागच्या ट्विटमधील गाय नव्या चर्चेला तोंड फोडून गेली आहे.