झिम्बाब्वेचै दौरा सुरु होण्यापूर्वीच भारताला मोठा धक्का, महत्वाचा खेळाडू होऊ शकतो संघाबाहेर

नवी दिल्ली : भारतीय संघाला आता झिम्बाब्वेचा दौरा सुरु होण्यापूर्वीच मोठा धक्का बसला आहे. कारम भारताचा एक महत्वाचा खेळाडू हा संघाबाहेर होणार असल्याचे जवळपास निश्चित जात आहे.

वाचा-भारतीय संघात मोठा बदल, शिखर धवनकडून कर्णधारपद काढून घेतले

भारत आणि झिम्बाब्वे यांच्यामध्ये तीन वनडे सामन्यांची मालिका खेळवण्यात येणार आहे. या मालिकेतील पहिला सामना १८ ऑगस्टला होणार आहे. पण हा दौरा सुरु होण्यापूर्वी भारताच्या संघाला आता एक मोठा धक्का बसला आहे. भारताचा अष्टपैलू खेळाडू वॉशिंग्टन सुंदरला गंभीर दुखापत झाली आहे. सुंदर हा इंग्लंडमध्ये लंडन कप ही स्पर्धा खेळण्यासाठी गेला होता. या स्पर्धेतील सामना खेळत असताना सुंदरच्या खांद्याला दुखापत झाली आहे. ही दुखापत गंभीर स्वरुपाची आहे. कारण सुंदरला जेव्हा दुखापत झाली तेव्हा त्याने तात्काळ मैदान सोडण्याचा निर्णय घेतला होता आणि त्यानंतर तो मैदानात परतला नाही. त्यामुळे आता त्याची वैद्यकीय चाचणी करण्यात येईल आणि त्यानंतरच तो झिम्बाब्वेच्या दौऱ्यात खेळू शकणार की नाही, हे ठरवले जाऊ शकते. सुंदर हा या स्पर्धेनंतर तिथूनच झिम्बाब्वेला रवाना होणार होता. पण आता कदाचित त्याला भारतामध्ये यावे लागेल. भारतामधील राष्ट्रीय क्रिकेट अकादमीमध्ये त्याच्या दुखापतीबाबत अंतिम निर्णय घेतला जाऊ शकतो. त्यामुळे आता सुंदर झिम्बाब्वेच्या दौऱ्यात खेळणार की नाही, याबाबतचा निर्णय येत्या काही दिवसांत आपल्यासमोर येऊ शकतो, असे म्हटले जात आहे.

वाचा-'लाल सिंह चड्ढा' पाहून भडकला क्रिकेटपटू, म्हणाला 'हा तर भारतीय आर्मी आणि शिखांचा अपमान'

झिम्बाब्वे दौऱ्यासाठी भारताने कर्णधारच बदलला...
बीसीसीसीआयने झिम्बाब्वेच्या दौऱ्यासाठी भारतीय संघाची निवड केली होती. या दौऱ्यासाठी भारताचा संघ जाहीर करताना शिखर धवनकडे कर्णधारपद देण्यात आले होते. पण आता हा निर्णय बीसीसीआयने बदलला आहे. बीसीसीआयच्या वैद्यकीय पथकाने तंदुरुस्त घोषित केल्यानंतर सलामीवीर केएल राहुल झिम्बाब्वेमध्ये तीन सामन्यांच्या वनडे मालिकेत भारतीय संघाचे नेतृत्व करणार आहे.

तीन एकदिवसीय सामन्यांसाठी भारतीय संघ: केएल राहुल (कर्णधार) शिखर धवन (उपकर्णधार), ऋतुराज गायकवाड, शुभमन गिल, दीपक हुडा, राहुल त्रिपाठी, इशान किशन (यष्टीरक्षक), संजू सॅमसन (यष्टीरक्षक), वॉशिंग्टन सुंदर, शार्दुल ठाकूर, कुलदीप यादव, अक्षर पटेल, आवेश खान, प्रसीध कृष्णा, मोहम्मद सिराज, दीपक चहर.