IND VS AUS : पहिल्या कसोटीपूर्वी भारताला मिळाली गुड न्यूज, ऑस्ट्रेलियाचा मॅचविनर संघाबाहेर

नागपूर : भारताविरुद्धचा पहिला कसोटी सामना सुरु होण्यापूर्वी आता ऑस्ट्रेलियाला एकामागून एक तिसरा धक्का बसला आहे. यापूर्वी मिचेल स्टार्क, जोश हेझलवूड हे पहिल्या कसोटीत खेळणार नसल्याचे स्पष्ट झाले आहे. पण त्यानंतर आता ऑस्ट्रेलियाला मोठा धक्का बसला आहे. कारण आता एक मॅचविनर खेळाडू ऑस्ट्रेलियाच्या संघातून बाहेर झाला आहे. त्यामुळे ऑस्ट्रेलियासाठी हा एक मोठा धक्का असणार आहे.

भारत आणि ऑस्ट्रेलिया यांच्यातील पहिला कसोटी सामना हा ९ फेब्रुवारीपासून सुरु होणार आहे. या कसोटीची जोरदार तयारी ऑस्ट्रेलियाचा संघ करत आहे. पण ही तयारी करत असताना ऑस्ट्रेलियाला एकामागून एक तीन धक्के बसले आहेत. यापूर्वी ऑस्ट्रेलियाचे दोन नामांकित गोलंदाज खेळणार नसल्याचे समोर आले आहे. पण आता ऑस्ट्रेलियाला सर्वात मोठा धक्का हा धक्का आहे. कारण भारताचा कर्दनकाळ असलेला खेळाडू आता पहिल्या कसोटीत खेळणार नाही.

ऑस्ट्रेलियाचा संघ जेव्हा यापूर्वी भारताच्या दौऱ्यावर आला होता, तेव्हा कॅमेरून ग्रीनने सलामीला येत भारतापासून एकहाती सामना हिरावला होता. पण बॉक्सिंग डे कसोटी सामन्यात ग्रीनला दुखापत झाली होती. पण या दुखापतीमधून ग्रीन हा पूर्णपणे सावरलेला नाही. ग्रीन हा सराव करण्यासाठी नेट्समध्ये आला होता. पण ग्रीनने जास्त काळ सराव केला नाही, कारण तो अजूनही दुखापतीमधून सावरलेला नाही. त्यामुळे तो पहिल्या कसोटीत खेळणार नसल्याचे समोर आले आहे.

ऑस्ट्रेलियाचा कर्णधार पॅट कमिन्सने यावेळी ग्रीनच्या दुखापतीबाबत सांगितले की, " ग्रीन हा नेट्समध्ये सराव करण्यासाठी आला होता. पण पूर्वीसारखा फिट असल्याचे दिसत नाही. पण अजूनही सामना सुरु व्हायला बराच कालावधी आहे. त्यामुळे तो कदाचित तोपर्यंत फिट होईल, अशी आम्हाला आशा आहे. त्यामुळे पहिल्या कसोटी सामन्यात त्याला खेळवायचे की नाही, याचा निर्णय आम्ही सामना सुरु होण्यापूर्वी घेणार आहोत. त्यामुळे आम्ही सध्याच्या घडीला ग्रीनबाबत कोणताही निर्णय घेणार नाही. पण आम्हाला आशा आहे की, तो लवकरच फिट होईल."