रणजी ट्रॉफीमध्ये अर्जुन तेंडुलकर रॉक्स; शतकानंतर आता गोलंदाजीत दहशत, पाहा बोल्डचा VIDEO

जमशेदपूर: रणजी ट्रॉफी २०२२-२३ मधील दुसऱ्या फेरीचे सामने सुरू झाले आहेत. क गटातील सामन्यात गोवा आणि झारखंड यांच्यात सामना सुरूच आहे. युवा क्रिकेटर आणि सचिन तेंडुलकरचा मुलगा अर्जुन याने गोवा क्रिकेट संघाकडून रणजी सामन्यात पदार्पण केले आहे. या अष्टपैलू खेळाडूने पदार्पणाच्याच सामन्यात राजस्थानविरुद्ध दमदार शतक झळकावले होते. आता तो झारखंडविरुद्धही जोरदार प्रयत्न करत आहेत. अर्जुनने खेळाच्या दुसऱ्या दिवशी शानदार गोलंदाजी करताना विकेट घेतली, त्यानंतर त्याच्या सेलिब्रेशनचा व्हीडिओ आता व्हायरल होत आहे.

या सामन्यात प्रथम फलंदाजी करताना झारखंडने ३८६ धावा केल्या. सुरुवात निश्चितच खराब झाली, पण झारखंडने लवकरच सामन्यात पुनरागमन केले. कुमार कुशाग्रने सर्वाधिक ९६ धावा केल्या. सौरभ तिवारीने ६५ धावांची खेळी केली. यादरम्यान अर्जुनने २६ षटकांत ६ मेडेन षटके टाकत ९० धावांत १ विकेट घेतली. झारखंडचा खेळाडू शाहबाज नदीमला शानदार क्लीनबोल्ड केले. त्याला बाद केल्यानंतर या मीडियम पेसर गोलंदाजाचे सेलिब्रेशन पाहण्यासारखे होते.

वाचा: IND vs BAN 2nd Test Live: भारत विरुद्ध बांगलादेश दुसरी कसोटी, पहिला दिवस लाईव्ह

अर्जुनाचा वेगवान चेंडू थेट स्टंपवर आदळला. नदीमला अंदाजही लागला नाही की कधी त्रिफळा उडाला आणि तो बाद झाला. या विकेटनंतर अर्जुन खूपच आनंदात होता. त्याने विकेट अनोख्या पद्धतीने सेलिब्रेट केली. त्याने वाकून जोरात ओरडत विकेट सेलिब्रेट केली. शाहबाद नदीमने नंतर बदला पूर्ण केला, त्याने अर्जुनलाही क्लीन बोल्ड केले. पदार्पणाच्या सामन्यात राजस्थानविरुद्ध १२० धावा करणाऱ्या अर्जुनने यावेळी केवळ १ धाव काढली.

हेही वाचा: भारत ना कधी झुकला ना झुकणार! रमीझ राजांनी जाता जाता PCB ची इज्जतच काढली


वाचा: टीम इंडियाचं काय चाललंय तरी काय? राहुल द्रविडच्या उपस्थितीत होतोय खेळाडूवर अन्याय

अर्जुन रणजी ट्रॉफीच्या पहिल्याच सामन्यात शतकवीर ठरला. राजस्थानविरुद्धच्या सामन्याच्या दुसऱ्या दिवशी या डावखुऱ्या फलंदाजाने शतक ठोकले. अर्जुनने आपल्या शतकी खेळीत १२ चौकार आणि २ षटकार मारले. अर्जुन तेंडुलकरने त्याचे वडील सचिन तेंडुलकरच्या विक्रमाशी बरोबरी केली आहे. अर्जुनने आपल्या पहिल्याच रणजी सामन्यात शतक झळकावले. याला योगायोग म्हणा किंवा अजून काही, डिसेंबर हा महिना तेंडुलकर कुटुंबासाठी भाग्यवान ठरला. यापूर्वी सचिनने डिसेंबर १९८८ मध्ये गुजरातविरुद्ध नाबाद १०० धावा केल्या होत्या.