पाकिस्तानच्या खेळाडूला ICCचा दणका; वाईट वर्तनासाठी दिली मोठी शिक्षा

मिरपूर : पाकिस्तान आणि बांगलादेश (PAK vs BAN) दरम्यान खेळल्या जात असलेल्या टी-२० मालिकेत पाकिस्तानचा वेगवान गोलंदाज हसन अलीला मोठा झटका बसला आहे. पहिल्या टी-२० आंतरराष्ट्रीय सामन्यात चमकदार कामगिरी करणाऱ्या हसन अलीवर आयसीसी आचारसंहिता अंतर्गत स्तर-१ चे उल्लंघन केल्याचा आरोप आहे, ज्या अंतर्गत त्याला १ डिमेरिट पॉइंटचा दंड ठोठावण्यात आला आहे. हसन अलीने शिस्त मोडली, त्यामुळे त्याच्यावर ही कारवाई करण्यात आली आहे. हसन अलीशिवाय बांगलादेश संघालाही २० टक्के दंड ठोठावण्यात आला आहे.

वाचा- Video: आउट होण्याची ही कोणती पद्धत; क्रिकेटपटूवर संपूर्ण देश भडकला

हसन अली आयसीसीच्या आचारसंहितेमध्ये का दोषी आढळला?

खरे तर हे प्रकरण पहिल्या टी-२० आंतरराष्ट्रीय सामन्याचे आहे. पाकिस्तानसाठी १७ वे षटक टाकणाऱ्या हसन अलीने बांगलादेशचा यष्टिरक्षक फलंदाज नुरुल हसनची विकेट घेतली आणि विचित्रपणे त्याला पॅव्हेलियनमध्ये जाण्यास सांगितले, ज्याला आयसीसीने अनुशासनहीन मानले आहे. तो स्तर-१ साठी दोषी आढळला आणि त्याला १ डिमेरिट पॉइंट देण्यात आला आहे. २४ महिन्यांतील हसन अलीची ही पहिली मोठी चूक आहे. भविष्यातही असेच वर्तन राहिल्यास त्याच्यावर मोठी कारवाई होऊ शकते.

वाचा- पदार्पणाच्या सामन्यात हर्षल ठरला हिरो; डिव्हिलियर्सने सांगितलेली 'ती' गोष्ट कधीच

दरम्यान, पाकिस्तान आणि बांगलादेश यांच्यात टी-२० मालिकेतील दुसरा सामना खेळला जात आहे. बांगलादेशने नाणेफेक जिंकून प्रथम फलंदाजी करण्याचा निर्णय घेतला आहे. प्रथम फलंदाजी करताना बांगलादेश संघाने ७ विकेट गमावत १०८ धावा केल्या आहेत. आणि पाकिस्तानपुढे १०९ धावांचे माफक आव्हान ठेवले आहे.

वाचा- रोहित शर्माचा धमाका; कर्णधारपद मिळाल्यानंतर केला हा विक्रम, विराटचे रेकॉर्ड धोक्यात

याआधी खेळल्या गेलेल्या पहिल्या टी-२० सामन्यात पाकिस्तानने शेवटच्या षटकात शानदार फलंदाजी करत बांगलादेशविरुद्धचा सामना जिंकला आणि मालिकेत १-० अशी आघाडी घेतली. या सामन्याचा नायक ठरलेल्या हसन अलीने शानदार गोलंदाजी करताना ३ बळी घेत 'सामनावीर'चा किताब पटकावला.