BCCI चा खेळाडूंना कडक इशारा; IPLमध्ये या दोघांच्या शब्दाबाहेर न जाण्याचे आदेश

नवी दिल्ली: या वर्षी ऑस्ट्रेलियात टी-२० विश्वचषक खेळवला जाणार आहे. त्यानंतर पुढील वर्षी २०२३ मध्ये भारत एकदिवसीय विश्वचषक स्पर्धेचे आयोजन करेल. अशा परिस्थितीत, भारतीय क्रिकेट नियामक मंडळाने (बीसीसीआय) सर्व खेळाडूंना राष्ट्रीय क्रिकेट अकादमीने (एनसीए) तयार केलेल्या कठोर फिटनेस सूचनांचे पालन करण्याचा सल्ला दिला आहे. २६ मार्चपासून सुरू होणाऱ्या आयपीएलमध्ये सर्व भारतीय खेळाडूंना या सूचना पाळाव्या लागणार आहेत.

वाचा- फॉलोऑन मिळाल्यानंतर लक्ष्मण-द्रविडने मोडला होता ऑस्ट्रेलियाचा...

एनसीएच्या देखरेखीखाली तयार करण्यात आलेला फिटनेस प्लॅन हा आयपीएलदरम्यान खेळणाऱ्या क्रिकेटपटूंना तंदुरुस्त ठेवण्यासाठी बीसीसीआय आणि निवडकर्त्यांच्या सूचनेनुसार तयार करण्यात आला आहे. लीगच्या या मोसमात, एनसीए फिजिओ, प्रशिक्षक आणि मुख्य प्रशिक्षक राहुल द्रविड खेळाडूंच्या या फिटनेस योजनेचे पालन करतील. बीसीसीआयने आयपीएलच्या सर्व संघांनाही याबाबत माहिती दिली आहे. व्हीव्हीएस लक्ष्मण यांच्या नेतृत्वाखालील एनसीए खेळाडूंच्या फिटनेसमध्ये महत्त्वाची भूमिका बजावणार आहे. यासाठी बोर्डाने आयपीएलच्या दोन आठवड्यांपूर्वी सर्व करारबद्ध खेळाडूंना एनसीएच्या फिटनेस मॉनिटरिंग कॅम्पमध्ये बोलावले होते.

वाचा- टीम इंडिया विश्वविक्रमाच्या उंबरठ्यावर; क्रिकेटमध्ये आजवर कोणी केली नाही अशी कामगिरी

एका क्रिकेटपटूने सांगितले की, 'प्रशिक्षक राहुल द्रविडने सांगितले आहे की, तुम्ही भारतासाठी १० महिने खेळता आणि २ महिने आयपीएल खेळता. त्यामुळे फिटनेसच्या बाबतीत तुम्ही सपोर्ट स्टाफ आणि एनसीएवर अवलंबून राहावे. आयपीएल संघाच्या फिजिओ आणि प्रशिक्षकांच्या प्रतिक्रियेवर अनेक खेळाडूंनी चिंता व्यक्त केली, पण आम्हाला हे प्रकरण बीसीसीआयवर सोडण्यास सांगण्यात आले आहे.

वाचा- द्रविड आणि विराटच्या त्या कृतीचे होत आहे कौतुक; पाहा व्हिडिओ

'या प्लॅनमध्ये खेळाडूंना काही अडचण आल्यास ते एनसीए किंवा भारतीय संघाच्या व्यवस्थापनाला आयपीएल दरम्यानही कळवू शकतात,' असेही त्याने यावेळी स्पष्ट केले.