पाकिस्तानची लाज गेली, आंतरराष्ट्रीय स्तरावर या गोष्टीमुळे पुन्हा एकदा मान झुकली

नवी दिल्ली : पाकिस्तानची आज पुन्हा एकदा लाज गेल्याचे पाहायला मिळाले. कारण आंतरराष्ट्रीय स्तरावर पाकिस्तानची मान आज पुन्हा एकदा शर्मेने खाली झुकल्याचे पाहायला मिळाले. न्यूझीलंडने पाकिस्तानविरुद्ध होणाऱ्या वनडे मालिकेतील पहिल्या सामन्याच्या टॉसच्या काही तास आधी मैदानात उतरण्यास नकार दिला. इतक नव्हे तर पुढील काही मिनिटात दौरा देखील रद्द केला. आता तर इंग्लंडने पाकिस्तानमध्ये पाऊलही न ठेवण्याचा निर्णय घेतला आहे. कारण पाकिस्तानचा दौरा सुरु होण्याची पूर्वीच त्यांनी माघार घेतली आहे. इंग्लंडच्या क्रिकेट मंडळाने हा दौरा रद्द केल्यामुळे पाकिस्तानची चांगलीच गोची झाल्याचे पाहायला मिळाले आहे.

न्यूझीलंडने का पाकिस्तानच्या दौऱ्यातून माघार घेतली होती, पाहा...
टॉस होण्यापूर्वीच न्यूझीलंडने पाकिस्तान सोडण्याचा निर्णय घेतला होता. याबाबत न्यूझीलंड क्रिकेटचे मुख्य कार्यकारी अधिकारी डेव्हिड वाइट यांनी सांगितले की, जो सल्ला आम्हाला दिला जात होता त्यानुसार दौरा सुरू करणे अशक्य होते. मला वाटते की हा पीसीबीसाठी जोरदार झटका असेल. ते या मालिकेचे शानदार आयोजन करत होते. पण खेळाडूंची सुरक्षा सर्वात महत्त्वाची आहे. त्यामुळेच आम्हाला वाटते की हे पाऊल जबाबदारीने उचलण्यात आले आहे." न्यूझीलंडपाठोपाठ आता इंग्लंडनेही दौरा रद्द केल्यामुळे पाकिस्तानला मोठआ धक्का बसल्याचे पाहायला मिळआले आहे.

न्यूझीलंडने दौरा रद्द केल्यावर पीसीबीने काय म्हटले होते, पाहा...
न्यूझीलंडने दौरा रद्द करणे हा पाकिस्तानसाठी मोठा धक्का होता. पीसीबीने यासंदर्बात एक पत्रक जारी केले होते. यामध्ये पीसीबीने म्हटले होते की, " पाकिस्तान क्रिकेट बोर्ड आणि पाकिस्तान सरकार सर्व पाहुण्या संघाच्या सुरक्षेची उपाययोजना करते. आम्ही न्यूझीलंड क्रिकेटला देखील याचे आश्वासन दिले होते. पाकिस्तानसाठी पंतप्रधानांनी वैयक्तीक पातळीवर न्यूझीलंडच्या पंतप्रधानांशी चर्चा केली होती. त्यांनी सांगितले की आमच्याकडे जागातील सर्वोत्तम गुप्तहेर संघटना आहे आणि पाहुण्या संघासाठी कोणत्याही पद्धतीचा धोका नाही." पण पीसीबीला यावेळी न्यूझीलंडच्या संघाला पाकिस्तानात थांबवता आले नाही.