मुंबई इंडियन्सच्या संघात मोठा बदल, फिरकीपटू रशिद खानसह पाच खेळाडूंची संघात दमदार एंट्री...

नवी दिल्ली : मुंबई इंडियन्सच्या संघात आता मोठा बदल झाल्याचे पाहायला मिळाले आहे. आयपीएल गाजवणारा अव्वल फिरकीपटू रशिद खानला आता मुंबई इंडियन्सच्या संघाने करारबद्ध केले आहे. रशिदसह पाच आंतरराष्ट्रीय दमदार खेळाडूंना मुंबई इंडियन्सने आपल्या संघात दाखल करून घेतले आहे.

वाचा-मुंबई इंडियन्सच्या नावात झाला मोठा बदल; आज अखेर केली घोषणा,

मुंबई इंडियन्सच्या संघाने दक्षिण आफ्रिकेतील ट्वेन्टी-२० लीगसाठी एक संघ विकत घेतला आहे. या लीगसाठी आज मुंबई इंडियन्सच्या संघाने आज पाच खेळाडूंना करारबद्ध केले आहे. यामध्ये अफगाणिस्तानच्या रशिद खानचा समावेश आहे. त्याचबरोबर दक्षिण आफ्रिकेचा वेगवान गोलंदाज कागिसो रबाडा आणि डेवाल्ड ब्रेव्हिस यांना संघात दाखल केले आहे. मुंबई इंडियन्सने यावेळी इंग्लंडच्या लायम लिव्हिंगस्टोन आणि सॅम करन यांनाही आपल्या ताफ्यात सामील करून घेतले आहे.

वाचा-भारतीय संघात होणाऱ्या मोठ्या बदलांबाबत रोहित शर्माने अखेर सोडले मौन, पाहा काय

मुंबई इंडियन्सने यावेळी युएई आणि दक्षिण आफ्रिका या दोन ट्वेन्टी-२० लीगमध्ये संघ विकत घेतले आहेत. युएईच्या लीगसाठी फ्रँचायझीचे नाव 'MI Emirates' असेल, तर दक्षिण आफ्रिका लीगमध्ये 'MI cape town' असेल. दोन्ही संघ आयपीएलमध्ये मुंबई इंडियन्स फ्रँचायझीप्रमाणेच जर्सी घालतील. मुंबई इंडियन्सच्या अधिकृत निवेदनानुसार, युएई आणि दक्षिण आफ्रिकेतील ट्वेन्टी-२० लीगमधील फ्रँचायझींची नावे तेथील विशिष्ट प्रदेशांना लक्षात घेऊन ठेवण्यात आली आहेत. निवेदनात पुढे म्हटले आहे की, "नवीन संघ मुंबई इंडियन्ससारखे असतील. एका कुटुंबाचा जागतिक विस्तार लीगची मूल्ये ते नक्कीच पुढे नेईल, त्यामुळे मुंबई इंडियन्सला फ्रँचायझीला क्रिकेट विश्वात जास्त प्रेम आणि सन्मान मिळेल." आता दक्षिण आफ्रिकेच्या लीगसाठी मुंबई इंडियन्सच्या संघाने पाच
खेळाडूंना संघात दाखल केले आहे. पण आता युएईच्या लीगसाठी कधी खेळाडूंना संघात दाखल करणार, याची उत्सुकता सर्वांना असेल.

वाचा-लोकेश राहुल का होऊ शकतो भारताच्या संघाबाहेर, जाणून घ्या एकमेव कारण...

मुंबई इंडियन्सने तीन संघ विविध ट्वेन्टी-२० लीगमध्ये खेळताना दिसतील. या संघांच्या नावात बदल असला तरी त्यांची जर्सी मात्र सारखीच असेल. पण आयपीएलमधील खेळाडू यावेळी संघात कायम राहतील की नाही, याबाबत कोणीतीही माहिती समोर आलेली नाही. त्यामुळे या संघाचा कर्णधार रोहित शर्मा असणार की नाही, याची उत्सुकता आता सर्वांना असणार आहे.