भारत-दक्षिण आफ्रिका मालिकेत करोनाचा स्फोट, धडाकेबाज खेळाडू झाला कोव्हिड पॉझिटीव्ह

नवी दिल्ली : भारत आणि दक्षिण आफ्रिका यांच्यातील ट्वेन्टी-२० मालिकेत आता करोनाचा स्फोट झाल्याचे पाहायला मिळाले आहे. सामना सुरु होण्यापूर्वीच एक महत्वाचा खेळाडू करोना पॉझिटीव्ह असल्याचे पाहायला मिळाले.
पहिल्या सामन्यापूर्वी कोणता खेळाडू करोना पॉझिटीव्ह सापडला, पाहा...
भारत आणि दक्षिण आफ्रिका यांच्यातील पहिला सामना सुरु होण्यापूर्वी सर्वांनाच मोठा धक्का बसला. दोन्ही कर्णधार जेव्हा टॉससाठी एकत्र आले तेव्हा ही माहिती समोर आली. पहिल्या सामन्याचा टॉस यावेळी दक्षिण आफ्रिकेने जिंकला आणि त्यानंतर कर्णधार टेम्बा बवुमाने ही माहिती दिली. बवुमाने यावेळी सांगितले की, " आमच्या संघातील महत्वाचा खेळाडू एडन मार्करम हा करोना पॉझिटीव्ह सापडला आहे, त्यामुळे तो या सामन्यात खेळू शकणार नाही. करोना पॉझिटीव्ह आढळल्यावर एडनला विलगीकरणात ठेवण्यात आले आहे आणि त्याच्यावर उपचार सुरु आहेत. त्याचबरोबर त्याच्या प्रकृतीबाबतचे सर्व अपडेट्स आम्हाला मिळत आहे. तो लवकरच बरा होईल आणि संघात परतेल, अशी आम्हाला आशा आहे." दिल्लीमध्ये सध्याच्या घडीला करोनाचे रुग्ण वाढत आहेत आणि आता भारत व दक्षिण आफ्रिका यांच्यातील मालिकेतही करोनाची एंट्री झाली आहे. आता एडनच्या संपर्कात आलेल्या खेळाडूंचीही करोना चाचणी घेण्यात आली आहे. बीसीसीआयने या मालिकेसाठी बायो बबल ठेवलेला नाही.
बवुमाने यापुढे सांगितले की, " सध्याच्या घडीला आम्ही विश्वचचषकावर लक्ष केंद्रीत करून आहोत. त्यामुळए विश्वाचषकासाठी कशी संघबांधणी करायची, याचा विचार आम्ही करत आहोत. ही मालिका आमच्यासाठी महत्वाची आहे. कारण या मालिकेत आम्हाला प्रयोग करण्याची संधी आहे. या मालिकेत प्रयोग करून कोणत्या स्थानावर कोणता खेळाडू चपखल बसू शकतो, हे आम्हाला जाणून घ्यायचे आहे आणि तीच गोष्ट आम्ही करत आहोत. या संघात आम्ही अष्टपैलू खेळाडूंवरही भर दिला आहे. त्याचबरोबर युवा फलंदाजांनाही आम्ही संधी दिली आहे. या संघात युवा आणि अनुभवी खेळाडूंचा योग्य समन्वय कसा साधता येऊ शकतो, हे आम्ही पाहत आहोत."