AUS vs NZ Test: दोन्ही संघ प्रत्येकी १० खेळाडूंसह खेळत आहेत कसोटी

पर्थ: फुटबॉलमध्ये एखाद्या खेळाडूने गैरवर्तन केल्यानंतर पंच त्याला रेड कार्ड दाखवून मैदानाबाहेर बसवतात. अशा परिस्थितीत संबंधित संघाला कमी खेळाडूंसह खेळावे लागते. अशाच काहीसा प्रकार सध्या क्रिकेटमध्ये घडत आहे. घडत आहे म्हणण्याचे कारण असे की, क्रिकेटमध्ये असा एक सामना सुरु आहे ज्यात एक नव्हे तर दोन्ही संघ प्रत्येकी १० खेळाडूंसह सामना खेळत आहेत.

ऑस्ट्रेलिया आणि न्यूझीलंड (Australia vs New Zealand) यांच्यात पर्थ येथे पहिला कसोटी सामना सुरु आहेत. सामन्याचा तिसऱ्या दिवसाचा खेळ सुरु असून कसोटीवर पहिल्या दिवसापासून ऑस्ट्रेलियाने वचर्स्व ठेवले आहे. न्यूझीलंडकडे हा सामना वाचवण्याची अद्याप संधी आहे. असे असले तरी सामना सुरु असतानाच दोन्ही संघांना मोठा झटका बसला आहे. प्रत्येकी ११ खेळाडूंसह खेळला जाणारा हा सामना दोन्ही संघ १०-१० खेळाडूंसह खेळत आहेत.

असे 'शतक' नको रे बाबा; जाणून घ्या काय आहे प्रकरण!

दोन्ही संघांचे प्रत्येकी एक खेळाडू जखमी झाल्यामुळे मॅच खेळू शकत नाहीत. ऑस्ट्रेलियाचा अनुभवी गोलंदाज जॉश हेझलवूड(Josh Hazlewood) आणि न्यूझीलंडचा लॉकी फर्ग्युसन (Lockie Ferguson) हे दोन्ही खेळाडू बाहेर गेले आहेत. हेजलवुडला दुसऱ्या दिवशी जखमी झाला. मैदानाबाहेर जाण्याआधी त्याने फक्त आठ चेंडू टाकले होते. त्याच्या स्नायूंना दुखापत झाल्याने उर्वरीत सामना तो खेळू शकत नाही, असे ट्विट आयसीसीने केले आहे. हेजलवुड फक्त पहिलाच सामना नव्हे तर बॉक्सिंग डे आणि न्यू इयर या दोन्ही कसोटी खेळू शकणार नाही असे दिसत आहे. दुसऱ्या कसोटीपर्यंत जर हेजलवुड बरा झाला नाही तर त्याच्या जागी जेम्स पॅटिंसन किंवा मायकल नसीर यापैकी एकाला संधी मिळू शकले.
AUS vs NZ Test: अवघ्या ४ सेंकदात घेतला कॅच; फलंदाजाला देखील विश्वास बसला नाही!
पदार्पणाच्या सामन्यातच बाहेर
दुसऱ्या दिवशी न्यूझीलंडचा लॉकी फर्ग्युसन जखमी झाला. फर्ग्युसनची ही पहिलाच कसोटी सामना आहे आणि त्याने या सामन्यात केवळ ११ षटके टाकली आहेत.

सामन्यात ऑस्ट्रेलियाने प्रथम फलंदाजीकरत ४१६ धावा केल्या होत्या. उत्तरादाखल न्यूझीलंडला पहिल्या डावात केवळ १६६ धावा करता आल्या आहेत. दुसऱ्या डावात ऑस्ट्रेलियाने १ बाद ८० धावा केल्या असून त्यांच्याकडे ३३० हून अधिक धावांची आघाडी आहे.