धर्मशाला: माझ्या मनात असं काहीच नव्हतं. मी घरी बसल्या बसल्या तो फोटो ट्विटरवर शेअर केला आणि त्याची बातमी बनली. यावरून जे काही घडलं तो माझ्यासाठी खूप मोठा धडा आहे. मी जसा विचार करतो, तसा जग विचार करत नाही, हेच यातून मी शिकलो...हे स्पष्टीकरण आहे भारतीय संघाचा कर्णधार विराट कोहलीचं. विराटने महेंद्रसिंग धोनीसोबतचा एक फोटो ट्विटरवर शेअर केला होता. या पोस्टनंतर धोनीच्या निवृत्तीची जोरदार चर्चा सुरू झाली होती. या पार्श्वभूमीवर विराटचं स्पष्टीकरण अत्यंत महत्त्वाचं ठरलं आहे.
दक्षिण आफ्रिकेविरुद्ध तीन टी-२० सामन्यांची मालिका उद्यापासून (१५ सप्टेंबर) सुरू होत आहे. या मालिकेसाठी धोनीला भारतीय संघात स्थान देण्यात आलेलं नाही. त्याअनुशंगाने धोनीबाबत प्रश्नांची सरबत्ती झाली असता विराटने धोनीचं भरभरून कौतुक केलं. धोनी नेहमीच भारतीय क्रिकेटच्या भल्याचा विचार करत आला आहे आणि अनुभवाची जागा कुणीही घेऊ शकत नाही, हे कायम लक्षात ठेवायला हवे, असे विराट नम्रपणे म्हणाला.
टी-२० वर्ल्डकपच्या पार्श्वभूमीवर प्रथमश्रेणी क्रिकेट तसेच आयपीएलमध्ये चांगली कामगिरी करणाऱ्या खेळाडूंना आगामी मालिकांमध्ये टी-२० संघात स्थान देण्यात येईल, असेही विराट म्हणाला. दक्षिण आफ्रिकेविरुद्ध गेमप्लानवरही विराट बोलला. फिरकी गोलंदाजी आमचं बलस्थान आहे. एकाग्रताही महत्त्वाची आहे. शिवाय कोणताही फॉरमॅट असो, आम्ही जिंकण्यासाठीच मैदानात उतरणार आहोत, असे विराट म्हणाला.
दक्षिण आफ्रिकेविरुद्ध तीन टी-२० सामन्यांची मालिका उद्यापासून (१५ सप्टेंबर) सुरू होत आहे. या मालिकेसाठी धोनीला भारतीय संघात स्थान देण्यात आलेलं नाही. त्याअनुशंगाने धोनीबाबत प्रश्नांची सरबत्ती झाली असता विराटने धोनीचं भरभरून कौतुक केलं. धोनी नेहमीच भारतीय क्रिकेटच्या भल्याचा विचार करत आला आहे आणि अनुभवाची जागा कुणीही घेऊ शकत नाही, हे कायम लक्षात ठेवायला हवे, असे विराट नम्रपणे म्हणाला.
टी-२० वर्ल्डकपच्या पार्श्वभूमीवर प्रथमश्रेणी क्रिकेट तसेच आयपीएलमध्ये चांगली कामगिरी करणाऱ्या खेळाडूंना आगामी मालिकांमध्ये टी-२० संघात स्थान देण्यात येईल, असेही विराट म्हणाला. दक्षिण आफ्रिकेविरुद्ध गेमप्लानवरही विराट बोलला. फिरकी गोलंदाजी आमचं बलस्थान आहे. एकाग्रताही महत्त्वाची आहे. शिवाय कोणताही फॉरमॅट असो, आम्ही जिंकण्यासाठीच मैदानात उतरणार आहोत, असे विराट म्हणाला.