IND vs ENG 5th Test Live Score, Day 3: तिसऱ्या दिवसअखेर भारताकडे मोठी आघाडी

बर्मिंगहॅम: भारत आणि इंग्लंड यांच्यातील पाचवी आणि अखेरच्या कसोटीला सुरूवात झाली आहे. मालिकेत भारतीय संघ २-१ने आघाडीवर आहे. कर्णधार रोहित शर्माला करोना झाल्याने संघाचे नेतृत्व जसप्रीत बुमराहकडे देण्यात आहे. इंग्लंडने टॉस जिंकून प्रथम गोलंदाजी करण्याचा निर्णय घेतला. या सामन्याच्या तिसऱ्या दिवसाचे लाइव्ह अपडेट महाराष्ट्र टाइम्स सोबत जाणून घ्या. साम्याचा लाइव्ह स्कोअरकार्ड पाहण्यासाठी येथे क्लिक करा.


इंग्लंड विरुद्ध भारत पाचवी कसोटी, तिसरा दिवस Live अपडेट

भारताकडे तिसऱ्या दिवशी दमदार आघाडी
इंग्लंडविरुद्धच्या एकमेव कसोटीच्या तिसऱ्या दिवशी भारताने २५७ धावांची आघाडी मिळवली आहे. तिसऱ्या दिवशी भारताने इंग्लंडचा पहिला डाव २८४ धावांवर आटोपला. त्यानंतर भारताच्या चेतेश्वर पुजाराने अर्धशतकी खेळी साकारली आणि भारताला ३ बाद १२५ अशी धावसंख्या उभारून दिली.

विराट कोहली पुन्हा एकदा अपयशी, भारताला तिसरा धक्का
विराट कोहली पुन्हा एकदा मोठी खेळी साकारण्यात अपयशी ठरला. कोहलीला यावेळी २० धावाच करता आल्या.

भारताला दुसरा धक्का, हनुमा विहारी आऊट
भारताला हनुमा विहारीच्या रुपात मोठा धक्का बसला, विहारीला यावेळी ११ धावाच करता आल्या.

भारताला पहिल्याच षटकात मोठा धक्का
भारतीय संघाला यावेळी पहिल्याच षटकात शुभमन गिलच्या रुपात मोठा धक्का बसला. गिलला यावेळी चार धावा करता आल्या.

भारताचा इंग्लंडला नववा धक्का
भारताने यावेळी सॅम बिलिंग्सला बाद करत इंग्लंडच्या संघाला नववा धक्का दिला, बिलिंग्सने यावेळी ३६ धावांची खेळी साकारली.

इंग्लंडला आठवा धक्का, स्टुअर्ट ब्रॉड आऊट
भारताने यावेळी इंग्लंडला स्टुअर्ट ब्रॉडच्या रुपात आठवा धक्का दिला. स्टुअर्ट ब्रॉडला यावेळी फक्त एकच धाव करता आली.

भारताचा इंग्लंडला मोठा धक्का, शतकवीर जॉनी बेअरस्टो आऊट
भारताने यावेळी इंग्लंडला मोठा धक्का देत जॉनी बेअरसस्टोला बाद केले. जॉनीने यावेळी १४ चौकार आणि दोन षटकारांच्या जोरावर ११० धावांची खेळी साकारली.

जॉनी बेअरस्टोचे दमदार शतक
जॉनी बेअसस्टोने यावेळी शतक झळकावले आणि इंग्लंडचा डाव सारवल्याचे पाहायला मिळाले.

पावसामुळे खेळ थांबला आणि लवकरच लंच जाहीर केला.
पावसामुळे यावेळी खेळ थांबवण्यात आला आणि त्यामुळे लवकर लंच घेण्यात आला. त्यावेळी इंग्लंडची ६ बाद २०० अशी स्थिती होती आणि ते अजूनही २१६ धावांनी पिछाडीवर होते.

इंग्लंडला सहावा धक्का, बेन स्टोक्स आऊट
इंग्लंडला कर्णधार बेन स्टोक्स यावेळी २५ धावांवर बाद झाला आणि इंग्लंडला सहावा धक्का बसला.