पाकिस्तानी लोकांसाठी खेळल्या गेलेल्या चॅरिटी मॅचमध्ये राडा; खेळाडूंनी एकमेकांना बॅटनं बदडलं

केंट : जंटलमन खेळ म्हणजे सज्जन लोकांचा खेळ म्हणून क्रिकेटकडे पाहिले जाते. पण क्रिकेट हा सज्जनांचा खेळ राहिला नसल्याचे दिसून आले. इंग्लंडमध्ये अशी एक घटना घडली आहे, त्यामुळे खेळाडूंनी खेळाला लाज आणली आहे. एका चॅरिटी सामन्यावेळी खेळाडूंनी त्यांच्या मर्यादा ओलांडल्या आणि मैदानातच एकमेकांना मारहाण करण्यास सुरवात केली. हा वाद इतका वाढला की सामना रद्दच करावा लागला.

वाचा- श्रीलंकेचे कोच-कॅप्टन मैदानातच भिडले; व्हिडिओ होतोय व्हायरल

इंग्लंडमधील मोटे पार्क मैदानात सामना आयोजित करण्यात आला होता, त्यावेळी ही घटना घडली. घटनास्थळी उपस्थित महिलांनी मैदानात धाव घेत दोन्ही संघातील खेळाडूंना वेगळे करत भांडण थांबवले. या घटनेचा व्हिडिओ व्हायरल होऊ लागला आहे.

वाचा- 'मी ब्राह्मण असल्यामुळे चेन्नईची संस्कृती स्वीकारणं सोपं गेलं'; भारतीय क्रिकेटपटूचे वादग्रस्त वक्तव्य


वाचा- राहुल द्रविडच्या त्या मास्टरस्ट्रोकमुळे भारताने मॅच जिंकली

रविवारी (18 जुलै) मॅडस्टोनमधील मोटे पार्क क्रिकेट क्लबमधील सामन्यादरम्यान ही घटना घडली आणि काहींनी ती कॅमेर्‍यामध्येही रेकॉर्ड केली. काही खेळाडू मैदानात एकमेकांशी वाद घालू लागले आणि कुठूनतरी एक खेळाडू बॅट घेऊन आला आणि त्यानंतर हाणामारीला सुरवात झाली, हे व्हिडिओत स्पष्टपणे दिसून येते. काही खेळाडूंच्या हातात बॅट असून ते दुसऱ्या खेळाडूंना मारत आहेत. काहीजण खाली पडताना दिसत आहेत. यावेळी काही खेळाडू जखमी झाल्याची माहिती पुढे आली आहे. चॅरिटी मॅचमध्ये हा प्रकार घडल्याने अनेकांनी या खेळाडूंवर टीका केली आहे.

वाचा- Video: बहुत बढिया, मजा आ गया...; टीम इंडियाच्या विजयाचा स्टार दीपकची पहिली प्रतिक्रिया


वाचा- विजयानंतर पाहा काय म्हणाले, कोच द्रविड सर; ड्रेसिंग रुममधील व्हिडिओ व्हायरल

कोरोना महामारीच्या पार्श्वभूमीवर अनेकजण कठीण काळातून जात आहेत. जगण्यासाठी संघर्ष करत आहेत. अशा लोकांना मदत करण्यासाठी निधी उभारण्यासाठी या मॅचचे आयोजन करण्यात आले होते. केंट ऑनलाइनच्या अनुसार, शेअर फॉर केअरसाठी निधी गोळा करणे हा या क्रिकेट मॅचचा उद्देश होता. पाकिस्तानमधील लोकांची वैद्यकीय गरज याद्वारे भागविली जाणार होती.

वाचा- IND vs SL : चाहर-भुवीच्या 'अमेझिंग' खेळीनंतर सोशल मीडियात मीम्सचा पाऊस