मुंबई: भारतीय क्रिकेट संघाचा माजी कर्णधार महेंद्रसिंह धोनी लवकरच नव्या इनिंगला सुरुवात करणार आहे. धोनी टीव्ही मालिकेत झळकणार असून या मालिकेच्या माध्यमातून लष्करी अधिकाऱ्यांच्या यशोगाथा प्रेक्षकांपुढं मांडणार आहे.
स्टुडिओनेक्स्ट ही प्रॉडक्शन कंपनी लवकरच धोनीच्या सहकार्यानं एका टीव्ही मालिकेची निर्मित करत आहे. भारतीय क्रिकेटवर स्वत:चा वेगळा ठसा उमटवणारा धोनी भारतीय लष्कराच्या पॅराशूट रेजिमेंटमध्ये लेफ्टनंट कर्नल (मानद) पदावर कार्यरत आहे. सूत्रांच्या माहितीनुसार, धोनी या टीव्ही मालिकेच्या माध्यमातून देशाची सेवा करणाऱ्या वीर जवानांना प्रकाशझोतात आणण्याचा प्रयत्न करणार आहे. या मालिकेतून परमवीर चक्र व अशोक चक्र विजेत्या पराक्रमी जवानांच्या शौर्यगाथा सांगणार आहे. सध्या या मालिकेच्या संहितेवर काम सुरू असून लवकरच शूटिंग सुरू होणार आहे. पुढील वर्षीपासून ही मालिका टीव्हीवर दिसेल, असं बोललं जात आहे.
पुढे काय? जानेवारीनंतर बघू: महेंद्रसिंह धोनी
२०१९च्या विश्वचषक स्पर्धेतील उपांत्य सामन्यात न्यूझीलँडकडून झालेल्या पराभवामुळं भारत स्पर्धेबाहेर फेकला गेला होता. त्या सामन्यानंतर धोनी क्रिकेटच्या मैदानावर दिसलेला नाही. तो क्रिकेटच्या मैदानावर कधी परतणार याबाबत सातत्यानं चर्चा सुरू होती. मात्र, जानेवारीच्या आधी माझ्या पुनरागमनाविषयी विचारू नका, असं स्पष्ट करून त्यानं या साऱ्या चर्चांना पूर्णविराम दिला आहे. विश्वचषकानंतर काही दिवस धोनीनं लष्करी जवानांसोबत प्रशिक्षणही घेतलं होतं. तसंच, त्यांचं आयुष्य जवळून अनुभवलं होतं. लष्करी जवानांचे हेच अनुभव, त्यांचे पराक्रम तो आता सर्वसामान्यांशी शेअर करणार आहे.
'धोनीचा पल्ला गाठण्यासाठी पंतला १५ वर्ष लागतील'
धोनीने सांगितला पत्नीला खूश ठेवण्याचा 'हा' मंत्र!
स्टुडिओनेक्स्ट ही प्रॉडक्शन कंपनी लवकरच धोनीच्या सहकार्यानं एका टीव्ही मालिकेची निर्मित करत आहे. भारतीय क्रिकेटवर स्वत:चा वेगळा ठसा उमटवणारा धोनी भारतीय लष्कराच्या पॅराशूट रेजिमेंटमध्ये लेफ्टनंट कर्नल (मानद) पदावर कार्यरत आहे. सूत्रांच्या माहितीनुसार, धोनी या टीव्ही मालिकेच्या माध्यमातून देशाची सेवा करणाऱ्या वीर जवानांना प्रकाशझोतात आणण्याचा प्रयत्न करणार आहे. या मालिकेतून परमवीर चक्र व अशोक चक्र विजेत्या पराक्रमी जवानांच्या शौर्यगाथा सांगणार आहे. सध्या या मालिकेच्या संहितेवर काम सुरू असून लवकरच शूटिंग सुरू होणार आहे. पुढील वर्षीपासून ही मालिका टीव्हीवर दिसेल, असं बोललं जात आहे.
पुढे काय? जानेवारीनंतर बघू: महेंद्रसिंह धोनी
२०१९च्या विश्वचषक स्पर्धेतील उपांत्य सामन्यात न्यूझीलँडकडून झालेल्या पराभवामुळं भारत स्पर्धेबाहेर फेकला गेला होता. त्या सामन्यानंतर धोनी क्रिकेटच्या मैदानावर दिसलेला नाही. तो क्रिकेटच्या मैदानावर कधी परतणार याबाबत सातत्यानं चर्चा सुरू होती. मात्र, जानेवारीच्या आधी माझ्या पुनरागमनाविषयी विचारू नका, असं स्पष्ट करून त्यानं या साऱ्या चर्चांना पूर्णविराम दिला आहे. विश्वचषकानंतर काही दिवस धोनीनं लष्करी जवानांसोबत प्रशिक्षणही घेतलं होतं. तसंच, त्यांचं आयुष्य जवळून अनुभवलं होतं. लष्करी जवानांचे हेच अनुभव, त्यांचे पराक्रम तो आता सर्वसामान्यांशी शेअर करणार आहे.
'धोनीचा पल्ला गाठण्यासाठी पंतला १५ वर्ष लागतील'
धोनीने सांगितला पत्नीला खूश ठेवण्याचा 'हा' मंत्र!