आणखी एका भारतीय क्रिकेटपटूने करोनामुळे वडिलांना गमावले

नवी दिल्ली: करोना व्हायरसची दुसऱ्या लाटेत अनेकांना जीव गमवावा लागत आहे. अनेक क्रिकेटपटूंनी कुटुंबातील जवळच्या व्यक्तींना गमावले आहे. भारताचा माजी जलद गोलंदाज रुद्र प्रताम सिंह यांच्या वडिलांचे करोनाने निधन झाले.

रुद्र प्रताप सिंहचे वडील शिव प्रसाद सिंह यांना काही आठवड्यांपूर्वी करोनाची लागण झाली होती. त्यांच्यावर लखनऊ येथील मेदांत रुग्णालयात उपचार सुरू होते. आज (१२ मे) रोजी त्यांचे निधन झाले. स्वत: रुद्रने ही माहिती सोशल मीडियावर दिली.

वाचा- WTC Final: संघ निवडताना भारताने केली मोठी चूक, बसू शकतो फटका

क्रिकेटमधून निवृत्ती घेतल्यानंतर आरपी सिंह समालोचन करत असे. वडिलांना करोना झाल्याचे कळाल्यावर त्याने आयपीएलच्या १४व्या हंगामातून नाव मागे घेतले होते. सांगण्यास अतिशय दु:ख होतय की माझे वडील श्री शिव प्रसाद सिंह यांचे निधन झाले. १२ मे रोजी त्यांना देवाज्ञा झाली. त्यांना करोनाची लागण झाली होती, अशी पोस्ट त्याने सोशल मीडियावर शेअर केली आहे.

वाचा- भारताविरुद्धच्या WTC फायनलनंतर निवृत्ती घेणार हा दिग्गज खेळाडू


आरपीने २०१८ साली आंतरराष्ट्रीय क्रिकेटमधून निवृत्ती घेतली. त्यानंतर तो समालोचन करत होता. गेल्या काही दिवसात भारतीय क्रिकेटपटूंनी वडिलांना गमावले आहे.

वाचा-एक रुपयाची पेप्सी....; भारतीय क्रिकेटपटूने शेअर केला कमबॅकचा व्हिडिओ

मंगळवारी क्रिकटपटू पियुष चावलाचे वडील प्रमोद कुमार, तर रविवारी युवा गोलंदाज चेतन साकरिया याच्या वडिलांचे करोनाने निधन झाले होते. भारताची महिला क्रिकेटपटू वेदा कृष्णमूर्तीने दोन आठवड्याच्या कालावधीत आई आणि बहिणीला करोनाने गमावले.