शहीद जवानांच्या मुलांबरोबर गंभीरने साजरी केली रंगपंचमी

सणांमध्ये सर्व जणं एकत्र येऊन आनंद साजरा करतात. पण आपल्या देशासाठी, आपल्यासाठी जे आपल्या जीवाची आहुती देतात त्या शहीद जवानांच्या कुटुंबियांसाठी आपण काय करतो, याचे उत्तर आपल्याकडे नसते. पण सामाजिक बांधिलकी म्हणून या रंगपंचमीच्या सणाच्या दिवशी भारताचा माजी कर्णधार आणि खासदार गौतम गंभीरने शहीद जवानांच्या मुलांबरोबर रंगपंचमीचा सण साजरा केला. यावेळी गंभीरने आपल्या ट्विटरवर या गोष्टीचे फोटोही पोस्ट केले आहेत.


भारतीय क्रिकेटपटूंनी साजरी केली अशी रंगपंचमी
सध्याच्या घडीला भारताचे क्रिकेटपटू सुट्टीवर आहेत. त्यामुळे आपल्या कुटुंबियांबरोबर भारताचे खेळाडू हे रंगपंचमी साजरी करताना दिसत आहे. त्याचबरोबर या खेळाडूंचे रंगपंचमीचे फोटो चांगलेच वायरल झालेले पाहायला मिळत आहे.

भारताचा सलामीवीर शिखर धवनने यावेळी आपल्या कुटुंबियांबरोबर रंगपंचमी साजरी केली आहे. धवनने यावेळी पत्नी आयशा आणि मुलाबरोबर रंगपंचमी साजरी केली आहे आणि आपला फोटो त्याने ट्विटकवर पोस्ट करत चाहत्यांना शुभेच्छाही दिल्या आहेत.


भारताचा अष्टपैलू हार्दिक पंड्याने आपल्या कुटुंबियांचा रंगपंचमीचा फोटो शेअर केला आहे. या फोटोमध्ये त्याच्याबरोबर भाऊ कृणाल, वहिनी आणि गर्लफ्रेंडही दिसत आहे.


भारताचा फिरकीपटू हरभजन सिंगनेही पत्नी गीता बसरा आणि मुलीबरोबरचा रंगपंचमीचा फोटो शेअर केला आहे.