लग्नापूर्वीच गर्लफ्रेंड प्रेग्नंट, मुलगाच होता वऱ्हाडी... कांबळी व अँड्रीयाची अजब लव्हस्टोरी

मुंबई : विनोद कांबळीची सध्या जोरदार चर्चा सुरु आहे. कांबळीच्या दुसऱ्या पत्नीने त्याच्यावर दारुच्या नशेत मारहाण केल्याचा आरोप केला आहे. पण विनोद कांबळी आणि अँड्रिया हेविट यांनी अजब लव्हस्टोरी आता समोर आली आहे.

अँड्रिया ही कांबळीची दुसरी पत्नी आहे. त्यापूर्वी विनोद आणि गर्लफ्रेंड नोएला लुईस यांचं पहिलं लग्न झालं होते. लुईस ही ब्ल्यू डायमंड हॉटेलमध्ये कामाला होती. या दोघांचे लग्न काही काळ टिकले. पण त्यानंतर विनोद आणि लुईस यांनी घटस्फोट घेण्याचा निर्णय घेतला. लुईसशी घटस्फोट झाल्यावर कांबळीचं काय होणार, हा प्रश्न काही जणांना पडला होता. पण या प्रश्नाचे उत्तर लगेचच कांबळीने दिल्याचे समोर आले.

लुईसबरोबर घटस्फोट झाला आणि त्यानंतर कांबळी हा अँड्रियाबरोबर पाहिला गेला. कांबळी आणि अँड्रिया हे २००० साली पहिल्यांदा भेटले. त्यानंतर त्यांचे सहा वर्षे अफेअर सुरु होते. त्यानंतर २०१० साली त्यांना एक मुलगा झाला. या मुलाचे नाव जीजस ख्रिस्तियानो ठेवण्यात आले होते. त्यानंतर २०१४ साली कांबळी आणि अँड्रिया वांद्रे येथील हिल रोड येथील सेंट पीटर चर्चमध्ये लग्न केलं. या लग्नात त्यांचा मुलगा वर्हाडी म्हणून सहभागी झाला होता. त्यानंतर कांबळी आणि अँड्रिया यांना एक कन्यारत्न झालं. या कन्येचं नाव त्यांनी जोहाना ख्रिस्तियानो असं ठेवलं. कांबळी आणि अँड्रिया यांच्यावर मोलकरणीचा छळ केल्याचा आरोप केल्याचे म्हटले जाते. पण गेल्या काही दिवसांत विनोदच्या बऱ्याच वाईट गोष्टी या लोकांसमोर आला. विनोदचा एक व्हिडिओ हा काही दिवसांपूर्वी व्हायरल झाला होता. त्यामध्ये कांबळी हा मद्यपान केल्याचे म्हटले जात होते. त्यावेळी कांबळी हा काही लोकांशी भांडत असल्याचे म्हटले जात होते.

कांबळीने काही दिवसांपूर्वी आपण बेरोजगार आहोत आणि जगण्यासाठी हातामध्ये कोणतीही नोकरी नसल्याचे म्हटले होते. त्यानंतर आता कांबळीवर त्याच्या पत्नीने मद्यपान करून मारहाण केल्याचा आरोप केला आहे. त्यामुळे कांबळीची एकामागून एक प्रकरण समोर येत आहेत.