पहिल्या कसोटीपूर्वी शुभमन गिलसाठी आली गुड न्यूज, संघात स्थान मिळेल का माहिती नाही पण आता...

नागपूर : भारताच्या पहिल्या कसोटी सामन्यापूर्वी आता शुभमन गिलसाठी एक आनंदाची बातमी आली आहे. भारताचा कर्णधार रोहित शर्माने गिलबाबत एक वक्तव्य केलं होतं, त्यानंतर आता गिलसाठी ही एक आनंदाची बातमी आली आहे.

गिल हा सध्याच्या घडीला भारतासाठी रन मशिन ठरत आहे. कारण वनडे असो किंवा टी-२० गिल हा सातत्याने धावा करत असल्याचे समोर आले आहे. वनडेमध्ये द्विशतक आणि टी-२०मध्ये शतक झळकावत गिलने आपला फॉर्म दाखवून दिला आहे. गिलवर रोहित शर्माही फिदा झाला आहे. पण आता गिलसाठी एक आनंदाची बातमी आली आहे.

गिलला पहिल्या कसोटीसाठी संघात स्थान मिळेल की नाही, हे माहिती नाही. कारण गिलला आता सूर्यकुमार यादवकडून तगडी स्पर्धा मिळत आहे. त्यामुळे गिलला संघात स्थान मिळेल की नाही, याबाबत संभ्रम असला तरी त्याच्यासाठी एक आनंदाची बातमी समोर आली आहे. कारण टी-२० क्रमवारीत आपल्या करीअरमधील सर्वोत्तम स्थान गिलने पटकावले आहे. गिलने गेल्या महिन्यातच टी-२० क्रिकेटमध्ये पदार्पण केले होते. त्यानंतर त्याला अर्धशतक झळकावता आले नसले तरी त्याने थेट शतकच झळकावले आहे. गिलने ६३ चेंडूंत १२६ धावांची दमदाप खेळी साकारली होती. त्यामुळे टी-२० क्रमवारीत त्याने आपल्या कारकिर्दीतील सर्वोत्तम ३० वे स्थान पटकावले आहे. पण या टी-२० क्रमवारीत भारताच्या सूर्यकुमार यादव हा अव्वल स्थानावर विराजमान आहे. पण आता कसोटी संघात स्थान मिळवण्यासाठी गिलची स्पर्धा ही सूर्याबरोबच असणार आहे. कारण गिलला तर आता कसोटी संघात सलामी करण्याची संधी मिळणार नाही. त्यामुळे त्याला मधल्या फळीत संधी मिळवण्यासाठी सूर्याबरोबर स्पर्धा करावी लागणार आहे. पण काही गोष्ट आहेत ज्या गिलच्या बाजूने आहेत. कारण गिल हा सध्याच्या घडीला भन्नाट फॉर्मात आहे. एकामागून एक धावांचे डोंगर त्याने उभारले आहेत. त्यामुळे जो खेळाडू फॉर्मात असतो त्यालाच संधी दिली जाते. त्यामुळे भारतीय संघाने जर हा नियम लावला तर गिलला पहिल्या कसोटीत संधी मिळू शकते.