VIDEO: धोनीचा हार्दिक पांड्यासोबत दिसला कधीच न पाहिलेला अंदाज! बेभान होऊन नाचला माही

मुंबई: सध्या टीम इंडियाचे काही खेळाडू न्यूझीलंड दौऱ्यावर आहेत तर काही खेळाडू विश्रांतीसाठी मायदेशी परतले आहेत. त्यामुळे क्रिकेटच्या मैदानाबाहेर हे क्रिकेटपटू काय करत आहेत, हे देखील चाहत्यांना जाणून घ्यायचे असते. क्रिकेटपटूदेखील सोशल मीडियावरून अनेक व्हिडीओ, फोटो शेअर करत असतात. तर असाच एक मजेदार व्हिडो हार्दिक पांड्याने आपल्या इंस्टाग्राम अकाऊंटवरून पोस्ट केला आहे.

सोमवारी भारतीय क्रिकेट संघाचा अष्टपैलू खेळाडू हार्दिक पांड्याने त्याच्या इंस्टाग्राम अकाउंटवर एक व्हिडिओ शेअर केला, ज्यामध्ये तो माहीसोबत खूप डान्स करताना दिसत आहे. महेंद्रसिंग धोनी क्रिकेटपासून दूर खूप मजा करताना दिसत आहे, ज्याचा व्हिडिओ सध्या सोशल मीडियावर खूप ट्रेंड करत आहे. चला पाहूया हार्दिक आणि माहीची स्टाईल...

वाचा: VIDEO: सूर्याच्या बॅटमधून आला नवा शॉट! असा षटकार तुम्ही कधीच पाहिला नसेल

हार्दिक आणि धोनीचे ठुमके

एका पार्टीमधला या क्रिकेटपटूंचा ठुमके लागवतानाचा एक व्हडिओ सोशल मीडियावर चांगलाच फिरतो आहे. त्याच दरम्यान हार्दिक पांड्यानेदेखील धोनीसोबतचा नाचतानाचा एक मजेदार व्हिडिओ शेअर केला आहे. काय कमाल संध्याकाळ असल्याचेही त्याने कॅप्शनमध्ये म्हटले आहे. या व्हिडिओमध्ये तुम्ही पाहू शकता की, हार्दिक पांड्या टीम इंडियाचा माजी कर्णधार उर्फ कॅप्टन कूल महेंद्रसिंग धोनीसोबत शाहिद कपूरच्या 'गंदी बात' गाण्यावर डान्स करताना दिसत आहे. हार्दिकच्या कमाल मूव्ह्स दिसत आहेत, तसेच धोनीला या स्टाईलमध्ये पाहणे हा चाहत्यांसाठी वेगळाच अनुभव आहे.

हेही वाचा: चाहत्यांसाठी वाईट बातमी! भारत-न्यूझीलंड शेवटचा सामना होऊ शकतो रद्द, वाचा काय आहे कारण

त्याचसोबत या व्हिडिओमध्ये रॅपर बादशाह देखील दिसत आहे. बादशाहच्या 'लड़की पागल है' हुआ गाण्यावर पण हे क्रिकेटपटू थिरकताना दिसले. हार्दिक आणि माहीशिवाय कृणाल पांड्या आणि ईशान किशन देखील त्या पार्टीमध्ये ठुमके लगावताना दिसले. या व्हिडिओमध्ये हार्दिकने काळ्या रंगाचा सॅटिन कोट सूट घातलेला दिसत आहे. तर दुसरीकडे धोनी पांढऱ्या शर्ट ब्लॅक पँटमध्ये अगदी फॉर्मल लूकमध्ये आहे, पण खूप मस्ती करताना दिसत आहेत.


वाचा: फॉर्ममध्ये असूनही संजूला का दिली नाही संधी? कर्णधार शिखर धवनने अखेर कारण सांगितलच

व्हायरल व्हिडिओ

धोनी आणि त्याच्या टोळीचा हा व्हिडिओ सोशल मीडियावर मोठ्या प्रमाणात व्हायरल होत आहे आणि काही मिनिटांतच त्याला हजारो लोकांनी लाईक केले आहे. यावर यूजर्स मजेशीर कमेंट करत आहेत. एका यूजरने लिहिले की, 'आता मी माही भाईला नाचताना पाहिले आहे. आता काहीच बाकी उरले नाही, माही भाई सर्वात क्युट आहे. त्याचवेळी एका यूजरने लिहिले, 'लव्ह यू हार्दिक भाई आणि माही भाई. तुम्ही ग्रेट आहात.'