नवी दिल्ली : पुरुषांनाही मागे टाकेल, अशी नेत्रदीपक कामगिरी आजच्या महिला विश्वचषकाच्या अंतिम फेरीत पाहायला मिळाली. ऑस्ट्रेलियाच्या(Australia) एकाच खेळाडूने एवढ्या जबरदस्त धावा केल्या की इंग्लंडचा संघ त्या ओझ्याखाली दबून गेला. त्यामुळेच ऑस्ट्रेलियाला यावेळी तब्बल सातव्यांदा महिला विश्वचषकाला गवसणी घालता आली. ऑस्ट्रेलिया आणि इंग्लंड तब्बल ३४ वर्षांनंतर महिला विश्वचषकाच्या अंतिम फेरीत समोरासमोर आले होते. यावेळी फक्त एक चूक इंग्लंडला चांगली भारी पडल्याचे पाहायला मिळाले. या एका चुकीमुळे इंग्लंडला विश्वचषक गमवावा लागल्याचे यावेळी पाहायला मिळाले. पण एलिसा हिलीच्या (Alyssa Healy) धडाकेबाज खेळीच्या जोरावर ऑस्ट्रेलियाने इंग्लंडवर ७१ धावांनी विजय साकारला आणि पुन्हा एकदा विश्वचषक जिंकला.
इंग्लंडकडून अंतिम फेरीत कोणती मोठी चूक घडली, पाहा...इंग्लंडने नाणेफेक जिंकत ऑस्ट्रेलियाला प्रथम फलंदाजी करण्यास पाचारण केले. धावांचा पाठलाग करण्याची इंग्लंडची यावेळी रणनिती होती. पण एलिसा हिलीने इंग्लंडच्या रणनितीवर सपशेल पाणी फेरले. कारण एलिसाने सुरुवातीपासूनच इंग्लंडच्या गोलंदाजीचा खरपूस समाचार घ्यायला सुरुवात केली. एलिसा फटकेबाजी करत असताना इंग्लंडकडून एक मोठी चूक घडली. एलिसा ४१ धावांवर असताना तिला बाद करण्याची नामी संधी इंग्लंडकडे चालून आली होती, पण ही संधी इंग्लंडने गमावली आणि त्यांच्या हातून विश्वचषक निसटला. कारण या जीवदानानंतर एलिसाने मागे वळून पाहिलेच नाही. त्यानंतर एलिसा अधिक आक्रमकपणे फटकेबाजी करायला लागली आणि त्यानंतर इंग्लंडच्या गोलंदाजांना तिच्यापुढे लोटांगण घालण्याची वेळ आली. कारण एलिसाने १३८ चेंडूंमध्ये तब्बल २६ चौकाॉर लगावत १७० धावांची लाजवाब खेळी साकारली. आतापर्यंत पुरुष किंवा महिला, कोणत्याही क्रिकेटपटूला विश्वचषकाच्या अंतिम सामन्यात एवढी मोठी खेळी साकारता आलेली नाही. यापूर्वी हा विक्रम ऑस्ट्रेलियाचा धडाकेबाज फलंदाज आणि यष्टीरक्षक अॅडम गिलख्रिस्टच्या नावावर होता. गिलख्रिस्टने २००७ साली वेस्ट इंडिज येथे झालेल्या विश्वचषकाच्या अंतिम फेरीत १४९ धावांची खेळी साकारली होती. त्यामुळे आता विश्वचषकाच्या अंतिम फेरीत सर्वाधिक धावांचा विक्रम आता एलिसाच्या नावावर असेल. एलिसाच्या १७० धावांच्या खेळीच्या जोरावर ऑस्ट्रेलियाने इंग्लंडपुढे विजयासाठी ३५७ धावांचे भलेमोठे आव्हान ठेवले. या आव्हानाचा पाठलाग करताना इंग्लंडच्या नॅट स्किव्हरने नाबाद १४८ धावांची खेळी साकारली खरी, पण तिला इंग्लंडच्या एकाही खेळाडूकडून चांगली साथ मिळाली नाही. त्यामुळे इंग्लंडला विश्वचषकाच्या अंतिम फेरीत ७१ धावांनी पराभव पत्करावा लागला आणि ऑस्ट्रेलियाने सातव्यांदा विश्वचषकाला गवसणी घातली.
इंग्लंडकडून अंतिम फेरीत कोणती मोठी चूक घडली, पाहा...इंग्लंडने नाणेफेक जिंकत ऑस्ट्रेलियाला प्रथम फलंदाजी करण्यास पाचारण केले. धावांचा पाठलाग करण्याची इंग्लंडची यावेळी रणनिती होती. पण एलिसा हिलीने इंग्लंडच्या रणनितीवर सपशेल पाणी फेरले. कारण एलिसाने सुरुवातीपासूनच इंग्लंडच्या गोलंदाजीचा खरपूस समाचार घ्यायला सुरुवात केली. एलिसा फटकेबाजी करत असताना इंग्लंडकडून एक मोठी चूक घडली. एलिसा ४१ धावांवर असताना तिला बाद करण्याची नामी संधी इंग्लंडकडे चालून आली होती, पण ही संधी इंग्लंडने गमावली आणि त्यांच्या हातून विश्वचषक निसटला. कारण या जीवदानानंतर एलिसाने मागे वळून पाहिलेच नाही. त्यानंतर एलिसा अधिक आक्रमकपणे फटकेबाजी करायला लागली आणि त्यानंतर इंग्लंडच्या गोलंदाजांना तिच्यापुढे लोटांगण घालण्याची वेळ आली. कारण एलिसाने १३८ चेंडूंमध्ये तब्बल २६ चौकाॉर लगावत १७० धावांची लाजवाब खेळी साकारली. आतापर्यंत पुरुष किंवा महिला, कोणत्याही क्रिकेटपटूला विश्वचषकाच्या अंतिम सामन्यात एवढी मोठी खेळी साकारता आलेली नाही. यापूर्वी हा विक्रम ऑस्ट्रेलियाचा धडाकेबाज फलंदाज आणि यष्टीरक्षक अॅडम गिलख्रिस्टच्या नावावर होता. गिलख्रिस्टने २००७ साली वेस्ट इंडिज येथे झालेल्या विश्वचषकाच्या अंतिम फेरीत १४९ धावांची खेळी साकारली होती. त्यामुळे आता विश्वचषकाच्या अंतिम फेरीत सर्वाधिक धावांचा विक्रम आता एलिसाच्या नावावर असेल. एलिसाच्या १७० धावांच्या खेळीच्या जोरावर ऑस्ट्रेलियाने इंग्लंडपुढे विजयासाठी ३५७ धावांचे भलेमोठे आव्हान ठेवले. या आव्हानाचा पाठलाग करताना इंग्लंडच्या नॅट स्किव्हरने नाबाद १४८ धावांची खेळी साकारली खरी, पण तिला इंग्लंडच्या एकाही खेळाडूकडून चांगली साथ मिळाली नाही. त्यामुळे इंग्लंडला विश्वचषकाच्या अंतिम फेरीत ७१ धावांनी पराभव पत्करावा लागला आणि ऑस्ट्रेलियाने सातव्यांदा विश्वचषकाला गवसणी घातली.