Video:सामन्यापूर्वीच पिचने केला ऑस्ट्रेलियाचा गेम, स्वतः स्मिथने सांगितली काय होणार संघाची दशा

नागपूर: भारत आणि ऑस्ट्रेलियामधील पहिल्या कसोटी सामन्याला उद्यापासून (९ फेब्रुवारी) सुरुवात होणार आहे. हा पहिला कसोटी सामना नागपूर येथे खेळवले जाणार आहेत. या सामन्यांसाठी पिच तयार झाले असून हे पिच चर्चेचा विषय बनला आहे. तेथील पिचवर ऑस्ट्रेलिया करडी नजर ठेवून आहे. कांगारू संघाने या पिचची पाहणी केली असून त्यासंबंधित एक व्हिडीओ त्यांनी ट्विटर हँडलवर अपलोड केला आहे. या व्हिडिओमध्ये स्टीव्ह स्मिथने हे पिच संघासाठी अडचणी निर्माण करेल असे म्हटले आहे.

नागपूरमधील पिचची पाहणी केल्यानंतर जे कांगारूंच्या निदर्शनास आले त्यानंतर ऑस्ट्रेलियासाठी ही अजिबातच चांगली बातमी नाही. या पिचवर ऑस्ट्रेलियाचे डावखुरे फलंदाज अजिबातच फलंदाजी करू शकणार नाहीत, असे दिसत आहे.

वाचा: रवी शास्त्रींनी दिला विजयाचा कानमंत्र! पहिल्या कसोटीसाठी अश्विनला सांगितला मास्टर प्लॅन

पिचचे स्वरूप पाहून ऑस्ट्रेलियाला घेरण्याचा डाव भारतीय संघ किंवा त्याच्या गोलंदाजांपेक्षा नागपूरच्या पिच क्युरेटरनेच तयार केला आहे, असे म्हणता येईल. आता जाणून घेऊया या पिचमध्ये असं काय खास आहे. फॉक्स स्पोर्ट्सच्या वार्ताहारानुसार, 'नागपूर पिचच्या फक्त मधल्या भागाला पाणी दिले जात आहे. त्यावर रोलिंग केले जात आहे. त्याच वेळी, इतर भाग पूर्णपणे कोरडा सोडला जात आहे, जिथे भारतीय गोलंदाज, विशेषत: फिरकीपटू चेंडू टिपून ऑस्ट्रेलियच्या डावखुऱ्या फलंदाजाला आपले लक्ष्य करतील.'

पिचमुळे ऑस्ट्रेलिया टेन्शनमध्ये

नागपुरातील पिचचे असे चित्र असल्यास कांगारू संघ चांगलाच अडचणीत सापडणार आहे. कारण या संघातील जास्तीत जास्त फलंदाज डावखुरे आहेत. ट्रेव्हिस हेड, डेव्हिड वॉर्नर, उस्मान ख्वाजा, एलेक्स कॅरी मॅट रेनेशॉ या खेळाडूंना नागपूरमधील हे पिच खूपच कठीण असणार आहे. फॉक्स स्पोर्ट्सने पुढे लिहिले की, ज्यांनी पिच जवळून पाहिली आहे त्यांनी सांगितले की, जिथे भेगा पडल्या आहेत, तिथे पाणी न टाकता उर्वरित पिचवर पाणी टाकले जात आहे.


काय म्हणाला स्टीव्ह स्मिथ

हेही वाचा: पाकिस्तानी क्रिकेटपटूचे काळे धंदे, भ्रष्टाचारामुळे पीसीबीने आफ्रिदीवर घातली बंदी

नागपूरच्या पिचची ऑस्ट्रेलियाला आधीच चिंता होती. पिचबद्दल ते वारंवार वक्तव्य करत आले आहेत. पिच पाहिल्यानंतर स्टीव्ह स्मिथ म्हणाला, "एका टोकापासून ती खूप कोरडी आहे. मला वाटते की ही पिच एक टर्न घेईल. नागपूरची पिच डावखुऱ्या फलंदाजांसाठी अवघड वाटत आहे."