रवींद्र जडेजा अडकला मोठ्या वादात, सिराजबरोबर मैदानात केलं तरी काय पाहा व्हायरल व्हिडिओ...

नागपूर : रवींद्र जडेजाने नागपूर कसोटीच्या पहिल्या दिवशी सर्वाधिक पाच बळी मिळवले. त्यामुळेच भारताला ऑस्ट्रेलियाला पहिल्याच दिवशी १७७ धावांमध्ये ऑलआऊट करता आले. पण पहिला दिवसाचा खेळ संपल्यावर आता जडेजाचा एक व्हिडिओ चांगलाच व्हायरल झाला आहे. हा व्हिडिओ समोर आल्यावर जडेजा हा आता वादात अडकल्याचे समोर आले आहे.
नेमकं घडलं तरी काय, जाणून घ्या...
ही गोष्ट घडली ती १६ व्या षटकात. त्यावेळी ऑस्ट्रेलियाची ५ बाद १२०
अशी अवस्था झाली होती. त्यापूर्वी जडेजाने ऑस्ट्रेलियाच्या तीन फलंदजांना बाद केले होते आणि ३० धावा दिल्या होत्या. त्यानंतर जडेजा गोलंदाजीसाठी सज्ज होण्यापूर्वी मैदानात आपला सहकारी मोहम्मद सिराजकडे गेला. सिरजाच्या हातावर एक चकाकणारी गोष्ट होती. ती चकाकणारी गोष्ट ही जडेजाने आपल्या बोटाला लावली आणि त्यानंतर तो आपले ते बोट फिरवत होता. त्यानंतर जडेजाच्या जवळ भारताचा कर्णधार रोहित शर्मा आला. त्यावेयली रोहितशी बोलताना जडेजा ती चकाकणारी गोष्ट आपल्या बोटाला व्यवस्थित लावत होता. रोहितबरोबर त्याने चर्चा केली आणि त्यानंतर त्याने गोलंदाजीला सुरुवात केली.

रोहित शर्मासारखा कोणीच नाही, फलंदाज धारातीर्थी पडत असताना एकमेव गोष्टीमुळे ठरला यशस्वी

व्हिडिओमध्ये नेमकं काय पाहायला मिळत आहे...
या व्हिडिओमध्ये जडेजा हा मोहम्मद सिराजच्या हातावून एक गोष्ट घेऊन आपल्या बोटाला लावत आहे. त्यामुळे आता जडेजाने पहिल्याच दिवशी चिटींग केली, असा आरोप होत आहे. त्यामुळे जडेजा हा वादाच्या भोवऱ्या अडकू शकतो. कारण चेंडूवर अशी कोणतीही चकाकणारी गोष्ट लावणे हे नियमांमध्ये बसत नाही. त्यामुळे जडेजाला यावेळी चौकशीसाठी बोलावले जाऊ शकते. या चौकशीमध्ये आपण सिराजकडून नेमकं काय घेतलं आणि बोटाला लावलं, याचे उत्तर जडेजाला द्यावे लागेल. त्यानंतरच याबाबतचा निर्णय आयसीसी घेऊ शकते. पण त्यासाठी मैदानातील पंचांची भूमिकाही महत्वाची ठरते. कारण मैदानातील पंच हा व्हिडिओ पाहिल्यावर नेमका काय निर्णय घेतात आणि सामनाधिकाऱ्यांना काय सांगतात, हे सर्वात महत्वाचे ठरेल. त्यामुळे या प्रकरणात नेमके कोणते वळण येते, याकडे सर्वांचे लक्ष लागलेले असेल.