IND vs AUS: ऑस्ट्रेलियाच्या पचनी पडत नाहीये पराभव? तिसऱ्या कसोटीसाठी टीमच बदलली; असे आहेत बदल

इंदूर: बॉर्डर-गावस्कर ट्रॉफीमधील २ महत्त्वाचे कसोटी समाने अद्याप शिल्लक आहेत. पहिल्या दोन कसोटी सामन्यात भारताने दमदार विजय मिळवत २-० अशी आघाडी मिळवली आहे. त्यामुळे आता २ कसोटी सामने शिल्लक असतानाच आता ऑस्ट्रेलियाची अवस्था अजूनच बिकट झाली आहे. पराभवानंतर आता त्यांचे दमदार खेळाडू मायदेशी परतले आहेत. त्यामुळे आता तिसऱ्या कसोटीत संघात अनेक बदल करण्यात आले आहेत.

आता ऑस्ट्रेलियन संघ भारताविरुद्धच्या दोन्ही कसोटी सामन्यांमध्ये चांगली कामगिरी करू शकेल का, अशी शंका निर्माण झाली आहे. कौटुंबिक कारणांमुळे पॅट कमिन्स आपल्या देशात परतला आहे. तर उर्वरित दोन कसोटी सामन्यांमध्ये स्टीव्ह स्मिथ ऑस्ट्रेलियन संघाचे नेतृत्व करणार आहे. त्याचसोबत अनेक खेळाडूही मायदेशी परतले आहेत.

टीम इंडियाचा 'लॉर्ड' नव्या इनिंगसाठी सज्ज, स्वतःच्या हळदीत झिंगाट गाण्यावर थिरकला शार्दूल
हे खेळाडू संघाबाहेर

डेव्हिड वॉर्नर, जोश हेजलवूड दुखापतीमुळे संघाबाहेर आहेत. ॲश्टन एगर आणि मिचेल स्विपसॅन यांनाही संघात स्थान मिळालेले नाही. त्यांना पुन्हा मायदेशी पाठवण्यात आले आहे. स्टीव्ह स्मिथकडे कर्णधारपदाची जबाबदारी देण्यात आली आहे. आता दुखापतीनंतर अष्टपैलू कॅमेरून ग्रीनही कसोटी सामने खेळताना दिसणार आहे. अशा परिस्थितीत या दोन खेळाडूंच्या जोरावर ऑस्ट्रेलियन संघ काही आश्चर्यकारक कामगिरी करू शकणार का हे पाहणे औत्सुक्याचे ठरणार आहे. तसेच मार्नस लाबुशेन, नॅथन लियॉन, ट्रॅव्हिस हेड आणि उस्मान ख्वाजा हे खेळाडू आहेत ज्यांच्याकडून ऑस्ट्रेलियाला अजूनही आशा आहे.

तिसऱ्या कसोटीत कमिन्सच्या जागी डावखुरा वेगवान गोलंदाज मिचेल स्टार्क किंवा लान्स मॉरिस यापैकी एकाला संधी मिळू शकते. स्टार्ककडे अधिक अनुभव आहे. त्याचबरोबर मॉरिस ताशी १५० किमी वेगाने गोलंदाजी करण्यासाठी ओळखला जातो. त्याचे आंतरराष्ट्रीय पदार्पण अजून व्हायचे आहे. इंदूरच्या खेळपट्टीबद्दल बोलायचे झाले तर या खेळपट्टीवर फिरकीपटूंना मदत मिळते. अशा स्थितीत ऑस्ट्रेलियन संघाला आपली फलंदाजीही मजबूत करायची आहे. रवींद्र जडेजा, आर अश्विन आणि अक्षर पटेल हे त्रिकूट पुन्हा एकदा त्यांची परीक्षा पाहण्यासाठी सज्ज झाले आहे.

IND vs AUS: तिसऱ्या कसोटीत भारताचा उपकर्णधार कोण? हरभजनने राहुलऐवजी सुचवले या खेळाडूचे नाव
दुसऱ्या कसोटीच्या दुसऱ्या डावात सलामीवीर म्हणून ट्रॅव्हिस हेडने दमदार सुरुवात केली. अशा स्थितीत संघाला पुन्हा एकदा त्याच्याकडून अशाच खेळीची अपेक्षा असेल. भारतीय खेळपट्ट्यांवर नवीन चेंडूवर धावा काढणे थोडे सोपे आहे. कर्णधार स्टीव्ह स्मिथपासून ते मार्नस लाबुशेनपर्यंत बॅटने आपली कामगिरी करण्याचा प्रयत्न करतील. ऑसी संघाकडून या मालिकेत आतापर्यंत केवळ २ अर्धशतके झाली आहेत.

तिसऱ्या कसोटीसाठी ऑस्ट्रेलियन संघ

स्टीव्ह स्मिथ (कर्णधार), स्कॉट बोलँड, ॲलेक्स कॅरी, कॅमेरॉन ग्रीन, पीटर हँड्सकॉम्ब, ट्रॅव्हिस हेड, उस्मान ख्वाजा, मॅथ्यू कोहनमन, मार्नस लॅबुशेन, नॅथन लियॉन, लान्स मॉरिस, टॉड मर्फी, मॅथ्यू रेनशॉ, मिचेल स्टार्क