अ‍ॅपशहर

1st Test ऑस्ट्रेलियाला टेन्शन द्यायच्या नादात टीम इंडियामध्ये गोंधळ; संघ व्यवस्थापनासमोर...

India vs Australia 1st Test: ऑस्ट्रेलियाचा संघ भारत दौऱ्यावर आला आहे. दोन्ही संघात ४ सामन्यांची कसोटी मालिका ९ फेब्रुवारीपासून सुरू होत असून या सामन्याआधी पाहा टीम इंडियामध्ये काय गोंधळ झालाय.

Authored byजयकृष्ण नायर | महाराष्ट्र टाइम्स.कॉम 6 Feb 2023, 4:21 pm
नवी दिल्ली: ऑस्ट्रेलियाविरुद्ध भारत ९ फेब्रुवारीपासून पहिली कसोटी खेळणार आहे. नागपूर येथे होणाऱ्या पहिल्या कसोटीत ऑस्ट्रेलिया संघाला भिती वाटते ती भारतीय फिरकीपटूंची, टीम इंडियाच्या या भेदक माऱ्यापुढे ऑस्ट्रेलियाला मालिका गमवावी लागू शकते अशी परिस्थिती आहे. फिरकीपटूंमुळे भारत या मालिकेत आतापासून वरचढ असल्याचे दिसत असताना एक टीम इंडियाची काळजी वाढवणारी बातमी समोर आली आहे.
महाराष्ट्र टाइम्स.कॉम india test


पहिल्या कसोटीच्या आधी ऑस्ट्रेलियाचा संघ बॅफूटवर गेला असताना भारतीय संघात मोठा गोंधळ उडाला आहे. कसोटीत सलामीवीर म्हणून कोणाला पाठवायचे असा प्रश्न पडला आहे. आतापर्यंत केएल राहुल आणि रोहित शर्मा हे सलामीला येत होते. पण गेल्या काही सामन्यात धावांचा पाऊस पाडणाऱ्या शुभमन गिलने राहुलसाठी अडचणी निर्माण केल्या आहेत.

वाचा- अदानी प्रकरणात वीरेंद्र सेहवागची उडी; असं बोलण्याची हिम्मत कोणीच दाखवली नाही

नागपूर येथे होणाऱ्या पहिल्या कसोटीत भारतीय संघाला ऑस्ट्रेलियावर सुरुवातीपासून दबाव ठेवावे लागले, जेणेकरून ऑस्ट्रेलियावर दबाव ठेवता येईल. अशाच नागपूरमध्ये सलामीवीर कोण असेल याचे उत्तर अजून मिळाले नाही. फॉर्म आणि भविष्याचा विचार करता रोहित शर्मा आणि शुभमन गिल हा पर्याय निवडावा लागले.

राहुलने गेल्या १० सामन्यातील १२ डावात २८.९०च्या सरासरीने ३१८ धावा केल्या आहेत. ज्यात ३ अर्धशतक आहेत. दर गिलने अखेरच्या १२ डावात ७६.९०च्या सरासरीने ७६९ धावा केल्या आहेत. यात १ द्विशतक, ४ शतक आणि १ अर्धशतकाचा समावेश आहे.

वाचा- Adani LIC News : तोटा? LICचा तर फायदा झालाय; अदानींच्या शेअर्समध्ये १ रुपयाही...

भारतीय संघ व्यवस्थापनाने जर शर्मा आणि गिल यांचा पर्याय निवडला तर राहुलला मधळ्याफळीत संधी मिळेल. वनडेत देखील राहुल आता मधळ्या फळीत फलंदाजी करतोय. आता कसोटी संघात जेव्हा श्रेयस अय्यर नाही तेव्हा राहुलकडे मधळ्या फळीत संधी आहे.

वाचा- माझ्याकडे LIC पॉलिसी आहे, अदानींमुळे माझे पैसे बुडतील का? जाणून घ्या नेमकं सत्य काय

ऑस्ट्रेलियाचा भारत दौरा

पहिली कसोटी- ९ ते १३ फेब्रुवारी, नागपूर
दुसरी कसोटी- १७ ते २१ फेब्रुवारी, दिल्ली
तिसरी कसोटी- १ ते ५ मार्च, धर्मशाला
चौथी कसोटी- ९ ते १३ मार्च, अहमदाबाद
लेखकाबद्दल
जयकृष्ण नायर
जयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे.... आणखी वाचा

महत्वाचे लेख