चेन्नई, IND vs ENG : भारताच्या आर. अश्विनने आज धमाकेदार शतक झळकावले. पण अश्विनने शतक झळकावले असले तरी भारताचा वेगवान गोलंदाज मोहम्मद सिराजचा व्हिडीओ सर्वात जास्त व्हायरल होताना दिसत आहे. या व्हायरल व्हिडीओमध्ये नेमकं आहे तरी काय, पाहा...
अश्विनने आज आपले पाचवे कसोटी शतक झळकावले. पण यावेळी त्याच्याबरोबर खेळपट्टीवर असलेल्या सिराजचा व्हिडीओ सध्याच्या घडीला सोशल मीडियावर चांगलाच व्हायरल झाल्याचे पाहायला मिळत आहे. अश्विनने जेव्हा शतक पूर्ण करण्यासाठी फटका मारला आणि तो धावत सुटला तेव्हा सिराजला सर्वात जास्त आनंद झाला होता. अश्विनने यावेळी जेवढा आनंद दाखवला नाही, त्यापेक्षा बऱ्याच पटीने जास्त आनंद यावेळी सिराजला झाल्याचे पाहायला मिळाले. सहकाऱ्याच्या आनंदातही आपला आनंद असतो, हे सिराजने दाखवून दिले. हे घडत असताना समालोचकांनीही ही गोष्ट सर्वांच्या निदर्शनास आणून दिली.
अश्विनने हादेखील रचला विक्रम...
चेन्नईच्या मैदानात यापूर्वी अश्विनने सर्वाधिक ६७ धावा केल्या होत्या. त्यावेळी प्रतिस्पर्धी संघ इंग्लंडचाच होता. इंग्लंडविरुद्ध २०१६ साली झालेल्या कसोटी सामन्यात अश्विनने ६७ धावांची खेळी साकारली होती. पण आजच्या सामन्यात अश्विनने आपलाच विक्रम मोडीत काढला असून नवीन विक्रम प्रस्थापित केला आहे. त्यामुळे घरच्या मैदानात या सामन्यात अश्विनने आतापर्यंतच्या सर्वाधिक धावा केल्याचे पाहायला मिळत आहे. फिरकी खेळपट्टीवर अश्विनचे हे शतक इंग्लंडच्या टीकाकारांसाठी फार महत्वाचे आहे.
क्रिकेट विश्वातही अश्विनने एक पराक्रम केल्याचे पाहायला मिळाले आहे. एकाच सामन्यात पाच विकेट्स आणि शतक झळकावण्याचा पराक्रम अश्विनने या सामन्यात केला आहे. पण अश्विनने हे पहिल्यांदाच केलेले नाही. आतापर्यंत कसोटी क्रिकेटमध्ये तिसऱ्यांदा त्याने अशी कामगिरी केली आहे. भारताकडून कपिल देव आणि रवींद्र जडेजा यांनी अशी कामगिरी यापूर्वी केली होती, पण कपिल आणि जडेजा यांना तिनदा अशी कामगिरी करता आलेली नाही. त्यामुळे एकाच सामन्यात पाच विकेट्स आणि शतक तीनवेळा झळकावणारा अश्विन हा पहिलाच भारतीय क्रिकेटपटू ठरला आहे. क्रिकेट विश्वात हा पराक्रम दोन वेळा सर गॅरी सोबर्स, जॅक कॅलिस, शकिब अल हसन, मुश्ताक अहमद यांनी केला आहे. त्यामुळे या सर्वांना आता अश्विनने मागे टाकले आहे. त्याचबरोबर असा पराक्रम करणारा अश्विन हा क्रिकेट विश्वातील दुसरा खेळाडू ठरला आहे. कारण या यादीत पहिल्या स्थानावर इंग्लंडचे माजी क्रिकेटपटू इयान बोथम आहेत, त्यांनी पाचवेळा हा पराक्रम केल्याचे पाहायला मिळत आहे.
अश्विनने आज आपले पाचवे कसोटी शतक झळकावले. पण यावेळी त्याच्याबरोबर खेळपट्टीवर असलेल्या सिराजचा व्हिडीओ सध्याच्या घडीला सोशल मीडियावर चांगलाच व्हायरल झाल्याचे पाहायला मिळत आहे. अश्विनने जेव्हा शतक पूर्ण करण्यासाठी फटका मारला आणि तो धावत सुटला तेव्हा सिराजला सर्वात जास्त आनंद झाला होता. अश्विनने यावेळी जेवढा आनंद दाखवला नाही, त्यापेक्षा बऱ्याच पटीने जास्त आनंद यावेळी सिराजला झाल्याचे पाहायला मिळाले. सहकाऱ्याच्या आनंदातही आपला आनंद असतो, हे सिराजने दाखवून दिले. हे घडत असताना समालोचकांनीही ही गोष्ट सर्वांच्या निदर्शनास आणून दिली.
अश्विनने हादेखील रचला विक्रम...
चेन्नईच्या मैदानात यापूर्वी अश्विनने सर्वाधिक ६७ धावा केल्या होत्या. त्यावेळी प्रतिस्पर्धी संघ इंग्लंडचाच होता. इंग्लंडविरुद्ध २०१६ साली झालेल्या कसोटी सामन्यात अश्विनने ६७ धावांची खेळी साकारली होती. पण आजच्या सामन्यात अश्विनने आपलाच विक्रम मोडीत काढला असून नवीन विक्रम प्रस्थापित केला आहे. त्यामुळे घरच्या मैदानात या सामन्यात अश्विनने आतापर्यंतच्या सर्वाधिक धावा केल्याचे पाहायला मिळत आहे. फिरकी खेळपट्टीवर अश्विनचे हे शतक इंग्लंडच्या टीकाकारांसाठी फार महत्वाचे आहे.
क्रिकेट विश्वातही अश्विनने एक पराक्रम केल्याचे पाहायला मिळाले आहे. एकाच सामन्यात पाच विकेट्स आणि शतक झळकावण्याचा पराक्रम अश्विनने या सामन्यात केला आहे. पण अश्विनने हे पहिल्यांदाच केलेले नाही. आतापर्यंत कसोटी क्रिकेटमध्ये तिसऱ्यांदा त्याने अशी कामगिरी केली आहे. भारताकडून कपिल देव आणि रवींद्र जडेजा यांनी अशी कामगिरी यापूर्वी केली होती, पण कपिल आणि जडेजा यांना तिनदा अशी कामगिरी करता आलेली नाही. त्यामुळे एकाच सामन्यात पाच विकेट्स आणि शतक तीनवेळा झळकावणारा अश्विन हा पहिलाच भारतीय क्रिकेटपटू ठरला आहे. क्रिकेट विश्वात हा पराक्रम दोन वेळा सर गॅरी सोबर्स, जॅक कॅलिस, शकिब अल हसन, मुश्ताक अहमद यांनी केला आहे. त्यामुळे या सर्वांना आता अश्विनने मागे टाकले आहे. त्याचबरोबर असा पराक्रम करणारा अश्विन हा क्रिकेट विश्वातील दुसरा खेळाडू ठरला आहे. कारण या यादीत पहिल्या स्थानावर इंग्लंडचे माजी क्रिकेटपटू इयान बोथम आहेत, त्यांनी पाचवेळा हा पराक्रम केल्याचे पाहायला मिळत आहे.