पाकिस्तानची सुंदरी झाली मोहम्मद सिराजवर फिदा; म्हणाली, तू तर ना...

INDvsENG : नवी दिल्ली : अवघ्या ७ कसोटी सामन्यात मोहम्मद सिराजने अशी कामगिरी केली आहे, की त्याचं कसोटी क्रिकेटमधील भविष्य उज्ज्वल आहे, हे सांगायला कुठल्या ज्योतिषाची गरज भासणार नाही. पाकिस्तानच्या क्रिकेट संघातील माजी खेळाडूंपासून पत्रकारांपर्यंत अनेकांनी सिराजचं तोंडभरून कौतुक केलं आहे. पाकमधील प्रसिद्ध क्रीडा पत्रकार झैनाब अब्बास सिराजवर फिदा झाल्याचे पाहायला मिळाले आहे. एका खास व्हिडीओमध्ये तिने सिराजबद्दल बरंच काही म्हटलं आहे. झैनाब म्हणाली की, 'मोहम्मद सिराज वर्ल्ड क्लास गोलंदाज बनू लागला आहे. ज्या प्रकारे त्याने ऑस्ट्रेलिया आणि आता लॉर्ड्सवर विकेट घेतल्या आहेत. सिराजकडे वेग आहे, चेंडूला नियंत्रणात ठेवण्याचं कौशल्यही आहे. तो चेंडू बाहेरच्या दिशेला घेऊन जातो. तसेच त्याची लाइन-लेंथ कमाल आहे.'
झैनाब पुढे म्हणाली की, भारताकडे १०-१५ वर्षांपूर्वी अशा प्रकारचे वेगवान गोलंदाज नव्हते. आता वेगवान गोलंदाजांमुळं भारत वेगळा संघ म्हणून ओळखला जात आहे. तसेच बुमराहचं जितकं कौतुक करावं तेवढं कमी आहे. ईशांत शर्माने चांगली गोलंदाजी केली. मोहम्मद शमीलाही विसरायला नको. कारण त्याने तर अप्रतिम फलंदाजीही केली आहे. त्याने बुमराहसोबत केलेल्या भागीदारीमुळे सामन्याचं रुप पालटलं.'
आजच्या क्रिकेटमध्ये कुणीही शेवटचा फलंदाज नाही. तुम्हाला एक चांगला गोलंदाज असायलाच हवे, पण तुम्हाला फलंदाजीही आली पाहिजे. हीच कसोटी क्रिकेटची सध्याची गरज आहे. फलंदाजी करण्यासाठी खेळपट्ट्याही चांगल्या आहेत. तुम्ही ९० च्या शतकासारखं खेळू शकत नाही. कुणीही चांगलं क्रिकेट खेळूद्या, तुम्ही त्याचं कौतुक केलं पाहिजे,” असंही झैनाब म्हणाली.
भारतीय संघाच्या मानसिकतेचंही झेनाबने कौतुक केलं. ती म्हणाली, “भारतीय संघामध्ये लढण्याची वृत्ती आहे. हा संघ कधीच हार मानत नाही. हाच विश्वास तुम्हाला सामना जिंकून देतो. इंग्लंडच्या प्रदर्शनाविषयी बोलायचं झालं तर ते खूपच निराशाजनक राहिले. त्यांनी त्यांच्या हातातील सामना भारताला दिला.”

सध्याच्या घडीला मोहम्मद सिराज हा कसोटी क्रिकेटमध्ये फार कमी कालावधीत भारतासाठी यशस्वी गोलंदाज ठरल्याचे पाहायला मिळाले आहे.