रोहित शर्माला जराही कल्पना नव्हती की Live सामन्यात त्याच्या सोबत असं काही होईल; पाहा घटनेचा व्हिडिओ

तिरुवनंतपूरम: भारताने दक्षिण आफ्रिकेविरुद्ध झालेल्या पहिल्या टी-२० सामन्यात ८ विकेटनी विजय मिळवला. टॉस जिंकून प्रथम गोलंदाजी करणाऱ्या टीम इंडियाने भेदक गोलंदाजीच्या जोरावर आफ्रिकेला फक्त १०६ धावात रोखले. त्यानंतर विजयाचे लक्ष्य सहज पार केले.

भारताला दीपक चहर आणि अर्शदीप सिंग यांनी धमाकेदार सुरुवात करुन दिली. आफ्रिकेने फक्त ९ धावांत ५ विकेट गमावल्या होत्या. त्यानंतर सूर्यकुमार यादव आणि केएल राहुल यांनी नाबाद अर्धशतक केले. या सामन्यात भारताचा कर्णधार रोहित शर्मासोबत अशी एक घटना घडली ज्याचा कोणी विचार केला नव्हता.

वाचा- Breaking News: भारतीय क्रिकेट संघाला सर्वात मोठा झटका; जसप्रीत बुमराह टी-२० वर्ल्डकपमधून बाहेर

भारतीय संघ जेव्हा गोलंदाजी करत होता तेव्हा स्टेडियममध्ये सामना पाहण्यासाठी आलेल्या एका चाहत्याने सुरक्षा रक्षकांना चुकवत मैदानात प्रवेश केला. संबंधित चाहता थेट रोहित शर्माकडे आला आणि त्याच्या पायावर डोक ठेवले. त्यानंतर चाहत्याने रोहितसोबत सेल्फी घेण्याचा प्रयत्न केला पण सुरक्षा कर्मचाऱ्यांनी त्याला मैदानाबाहेर केले.

वाचा- आंतरराष्ट्रीय टी-२० क्रिकेटमध्ये अर्शदीपने इतिहास घडवला; आजवर कोणीही करू शकले नाही असा पराक्रम




क्रिकेट विश्वात हिटमॅन नावाने ओळखल्या जाणाऱ्या रोहितच्या चाहत्यांची संख्या मोठी आहे. रोहितच्या नेतृत्वाखाली टीम इंडियाने गेल्याच आठवड्यात ऑस्ट्रेलियाविरुद्धची टी-२० मालिका २-१ने जिंकली होती. आता द.आफ्रिकेविरुद्धच्या मालिकेत विजय मिळून टी-२० वर्ल्डकपच्या आधी टीम इंडियाचा आत्मविश्वास वाढवण्याचा प्रयत्न असेल.


पहिल्या टी-२० सामन्यात द.आफ्रिकेने विजयासाठी १०७ धावांचे आव्हन दिले होते. रोहित आणि विराट हे लवकर बाद झाल्यानंंतर केएल राहुल आणि सूर्यकुमार यादव यांनी डाव सावरला आणि नाबाद भागिदारी करत विजय मिळवून दिला. या दोघांनी नाबाद अर्धशतकी खेळी केली.