दुसऱ्या ट्वेन्टी-२० सामन्यासाठी भारतीय संघात होणार मोठे बदल, कोणाला मिळणार संधी जाणून घ्या...

गुवाहाटी : भारताने पहिल्या टी-२० सामन्यात दक्षिण आफ्रिकेवर दणदणीत विजय साकारला. आता दुसरा सामना भारताने जिंकला तर त्यांना मालिका सहजपणे खिशात टाकता येऊ शकते. त्यामुळे आता दुसऱ्या ट्वेन्टी-२० सामन्यासाठी भारतीय संघात मोठे बदल केले जाणार असल्याचे संकेत मिळत आहेत.
पहिला बदल...
गेल्या काही सामन्यांपासून दिनेश कार्तिक हा चांगल्या फॉर्मात दिसत आहे. त्यामुळे रिषभ पंतचे संघातील स्थान धोक्यात आले आहे. त्यामुळे आता दुसऱ्या सामन्यासाठी संघात बदल हा पंतच्या जागेसाठी होऊ शकतो. कारण दोन यष्टीरक्षक संघात ठेवण्यापेक्षा एका फलंदाजाल किंवा एका अष्टपैलू खेळाडूला संघात स्थान देण्याला भारतीय संघाची पसंती असेल. त्यामुळे या सामन्यासाठी पंतच्या जागी एखादा फलंदाज संघात स्थान मिळवू शकतो.

दुसरा बदल...
भारतीय संघात सध्याच्या घडीला बदलाचे वारे वाहत आहेत. त्यामुळे या सामन्यात वेगवान गोलंदाज हर्षल पटेलला विश्रांती दिली जाऊ शकते. कारण गेल्या सामन्यात त्याने गोलंदाजी केली असली तरी तो पूर्णणे फिट दिसत नव्हता. त्यामुळे या सामन्यात दुसरा बदल हा हर्षल पटेलच्या रुपात होऊ शकतो. त्यामुळे हर्षलला विश्रांती दिली तर त्याच्याजागी वेगवान गोलंदाजाला संघात स्थान द्यायचे की फिरकीपटूला संधी द्यायची, याचा निर्णय संघ व्यवस्थापनाला घ्यावा लागणार आहे. त्यामुळे या सामन्यात हर्षलच्या जागी कोणाला संधी मिळते, याकडे सर्वांचे लक्ष लागलेले असेल.

वाचा-जसप्रीत बुमराबाबत राहुल द्रविड यांनी दिली गूड न्यूज, म्हणाले वर्ल्डकपच्या संघात तर तो...

पहिल्या ट्वेन्टी-२० सामन्यात भारताच्या गोलंदाजांनी कमाल केली होती. अर्शदीप सिंग आणि दीपक चहरने अचूक गोलंदाजी केली होती. त्यामुळे भारताच्या विजयाचा पाया रचला गेला होता. त्यामुळे दुसऱ्या सामन्यात गोलंदाजीत एक बदल होऊ शकतो, तर फलंदाजीमध्येही एक बदल होणार असल्याचे दिसत आहे. कारण दुसऱ्या ट्वेन्टी-२० सामन्यात भारताने विजय साकारला तर नक्कीच त्यांना मालिका जिंकता येणार आहे. त्यामुळे भारतासाठी हा सामना महत्वाचा असेल. त्यामुळे आता दुसऱ्या ट्वेन्टी-२० सामन्यासाठी कसा संघ निवडला जातो आणि कोणाला संधी मिळते, याकडे सर्वांचे लक्ष लागलेले असेल.