IND vs SA : पहिल्या ट्वेन्टी-२० सामन्यासाठी भारताचा संघ जाहीर, पाहा कोणाला मिळाली

थिरुअनंतपुरम : पहिल्या ट्वेन्टी-२० सामन्यात भारताने टॉस जिंकला. टॉस जिंकल्यावर रोहित शर्माने प्रथम गोलंदाजी करण्याचा निर्णय घेतला. टॉस झाल्यावर रोहित शर्माने यावेळी भारताचा संघ जाहीर केला.

आजच्या सामन्यात भारतीय संघात दोन बदल करण्यात आले आहेत. आजच्या सामन्यासाठी जसप्रीत बुमराला विश्रांती देण्यात आली आहे. बुमराच्या जागी आज संघात दीपक चहरला संधी देण्यात आली आहे. आजच्या सामन्यात दुसरा बदल म्हणजे आर. अश्विनला भारतीय संघात स्थान देण्यात आले आहे. त्यामुळे आता चहर आणि अश्विन आजच्या सामन्यात कशी कामगिरी करतात, याकडे सर्वांचे लक्ष लागलेले असेल.

पीच रिपोर्ट - भारत आणि दक्षिण आफ्रिका यांच्यातील पहिल्या ट्वेन्टी-२० सामन्यात आज जास्त धावा होतील. कारण खेळपट्टी ही फलंदाजीला पोषक असल्याचे सांगण्यात आले आहे.

भारत आणि दक्षिण आफ्रिका (India vs South Africa) यांच्यात आज टी-२० मालिकेतील पहिली लढत तिरुवनंतपुरम येथे होणार आहे. ऑस्ट्रेलियाचा पराभव करून टीम इंडियाचा आत्मविश्वास वाढला आहे. आता दक्षिण आफ्रिकेचा पराभव करून भारत टी-२० वर्ल्डकपची जोरदार तयारी करण्याचा प्रयत्न करेल. या सामन्यासाठी भारतीय संघातील काही खेळाडूंना विश्रांती देण्यात आली आहे. यात भुवनेश्वर कुमार आणि हार्दिक पंड्या यांचा समावेश आहे.

ऑस्ट्रेलियाविरुद्धच्या मालिकेत अर्शदीप सिंगला संधी दिली नव्हती, पण आता तो संघात परतला आहे. कर्णधार रोहित शर्मा पहिल्या सामन्यात त्याला संधी देईल असे वाटते. संघात जसप्रीत बुमराह आणि अर्शदीप सिंग हे दोन्ही बाजूने गोलंदाजीची बाजू संभाळू शकतील. जगातील सर्वात धोकादायक गोलंदाजीपैकी बुमराहचा समावेश होतो. तर अर्शदीपच्या गोलंदाजीची धार आशिया कपमध्ये सर्वांनी पाहिली आहे.

भारताचा संभाव्य संघ- रोहित शर्मा (कर्णधार), केएल राहुल, विराट कोहली, सूर्यकुमार यादव, ऋषभ पंत, दिनेश कार्तिक, अक्षर पटेल, युजवेंद्र चहल, जसप्रीत बुमराह, हर्षल पटेल आणि अर्शदीप सिंग

भारत आणि दक्षिण आफ्रिका यांच्यातील पहिली टी-२० मॅचचे थेट प्रक्षेपण कुठे पाहता येईल?
- भारत आणि दक्षिण आफ्रिका यांच्यातील पहिली टी-२० मॅच लाइव्ह प्रक्षेपण स्टार स्पोर्ट्स नेटवर्कवर पाहू शकता.

भारत आणि दक्षिण आफ्रिका यांच्यातील पहिली टी-२० मॅचचे लाइव्ह स्ट्रीमिंग कुठे पाहाल?
- भारत आणि दक्षिण आफ्रिका यांच्यातील पहिली टी-२० मॅच लाइव्ह स्ट्रीमिंग तुम्ही हॉटस्टारवर पाहू शकता. तसेच maharashtratimes.com वर लाइव्ह अपडेट आणि स्कोअरकार्ड पाहू शकता.