IND Vs ZIM: भारत आणि झिम्बाब्वे यांच्यातील सामने कुठे लाइव्ह पाहता येतील, जाणून घ्या चॅनेल

नवी दिल्ली : भारत आणि झिम्बाब्वे यांच्यातील वनडे मालिका आता फक्त दिवसांवर येऊन ठेपलेली आहे. पण झिम्बाब्वेतील हे वनडे सामने नेमके कुठे पाहता येऊ शकतात, याची माहिती आता समोर आली आहे.

वाचा-भारत आणि झिम्बाब्वेचे वनडे सामने नेमके किती वाजता सुरु होणार, जाणून घ्या योग्य वेळ

भारत आणि झिम्बाब्वे यांच्यामध्ये तीन वनडे सामन्यांची मालिका होणार आहे. हा दौरा एका आठवड्याचा असणार आहे. भारताचा झिम्बाब्वेचा दौरा हा १८ ऑगस्टपासून (गुरुवार) सुरु होणार आहे. भारत आणि झिम्बाब्वे यांच्यातील पहिला वनडे सामना हा १८ ऑगस्टला सुरु होईल. त्यानंतर भारत आणि झिम्बाब्वे यांच्यातील दुसरा वनडे सामना हा २० ऑगस्टला (शनिवार) खेळवण्यात येणार आहे. या मालिकेतील तिसरा वनडे सामना हा २४ ऑगस्टला (सोमवारी) खेळवण्यात येणार आहे. या दौऱ्यातील हे तिन्ही सामने हरारे येथे खेळवण्यात येणार आहेत. भारतीय संघ या दौऱ्यात फक्त तीन वनडे सामनेच खेळवण्यात येणार आहे. त्यामुळे हा दौरा १८ ते २२ ऑगस्ट एवढ्या दिवसांचाच असेल.

लाइव्ह सामना कोणता चॅनेलवर पाहता येऊ शकतो, जाणून घ्या...
झिम्बाब्वेतील भारताचे सामने कुठे लाइव्ह पाहता येतील, याची माहिती आता मिळाली आहे. भारतामध्ये हे सामने सोनीच्या क्रीडा वाहिन्यांवर पाहता येऊ शकतात. त्याचबरोबर सोनी लिव्ह अॅपवर देखील हे सामने भारतामध्ये पाहायला मिळू शकतात. पण या सामन्याचे लाइव्ह अपडेट्स पाहायचे असतील तर तुम्ही महाराष्ट्र टाइम्स डॉट कॉमला भेट देऊ शकता.

हे सामने किती वाजता सुरु होतील, जाणून घ्या...
या मालिकेतील सर्व सामने दिवसाच खेळवण्यात येणार आहे. त्याचबरोबर भारतीयांसाठी या सामन्यांची वेळ योग्य आहे. कारण या सामन्यांची नाणेफेक दुपारी १२.१५ वाजता होणार आहे आणि त्यानंतर अर्ध्या तासाने हे सामने सुरु करण्यात येणार आहेत. वनडे सामने हे भारतीय वेळेनुसार दुपारी १२ वाजून ४५ मिनिटांनी सुरु होणार आहेत.

वाचा-झिम्बाब्वे दौऱ्यासाठी भारतीय संघात मोठा बदल, वॉशिंग्टन सुंदरच्या जागी मॅचविनर खेळाडूची निवड

भारतीय संघ : लोकेश राहुल (कर्णधार), शिखर धवन (उपकर्णधार), ऋतुराज गायकवाड, शुभमन गिल, दीपक हुडा, राहुल त्रिपाठी, ईशान किशन, संजू सॅमसन, शाहबाझ नदीम, शार्दूल ठाकूर, कुलदीप यादव, अक्षर पटेल, आवेश खान, प्रसिध कृष्णा, मोहम्मद सिराज, दीपक चहर.