IND vs AUS 1st Test पहिल्या कसोटीसाठी भारतीय संघाची घोषणा; घेतला धक्कादायक निर्णय

सिडनी: ind vs aus 1st test ऑस्ट्रेलियाविरुद्ध उद्या गुरुवार १७ डिसेंबरपासून सुरू होणाऱ्या पहिल्या कसोटी सामन्यासाठी भारतीय संघाची घोषणा करण्यात आली आहे. चार सामन्यांच्या मालिकेतील पहिला सामना पिंक बॉलने डे-नाइट असेल. एडिलेट मैदानावर होणाऱ्या या सामन्यासाठी भारतीय संघाने अनपेक्षित निर्णय घेतला आहे.

वाचा-विराट निर्दयी होतो, त्याच्याशी पंगा घेऊ नका; ऑस्ट्रेलियाच्या खेळाडूंना कर्णधाराचा सल्ला

भारतीय संघाने ऑस्ट्रेलियाविरुद्ध होणाऱ्या पहिल्या कसोटी सामन्यासाठी सलामीवीर म्हणून शुभमन गिल ऐवजी पृथ्वी शॉचा संघात समावेश केला आहे. पृथ्वी शॉ गेल्या काही काळापासून खराब फॉर्ममध्ये आहे. ऑस्ट्रेलिया अ विरुद्ध झालेल्या दोन सराव सामन्यात त्याने फक्त ६२ धावा केल्या होत्या. त्यातील ४० धावा या एका डावात केल्या होत्या. या उलट शुभमन गिलने चांगली फलंदाजी केली होती. पृथ्वी शॉ नुकत्याच झालेल्या आयपीएल स्पर्धेत देखील धावा करण्यात अपयशी ठरला होता. असे असून देखील कर्णधार विराट कोहली आणि कोच रवी शास्त्री यांनी पृथ्वीला संघात संधी दिली आहे.

वाचा- विराट कोहलीला इतिहास घडवण्याची संधी; रिकी पॉन्टिंगचा वर्ल्ड रेकॉर्ड मागे टाकणार?

पृथ्वी सोबत सलामीवीर म्हणून अपेक्षेप्रमाणे मयांक अग्रवालचा समावेश केला गेलाय. या शिवाय मधळ्या फळीत कर्णधार विराट कोहली, चेतेश्वर पुजारा, अजिंक्य रहाणे, हनुमा विहारी यांना स्थान देण्यात आले आहे.

ऑस्ट्रेलिया अ विरुद्धच्या सराव सामन्यात धमाकेदार शतक करणाऱ्या ऋषभ पंतला संघात स्थान मिळवता आले नाही. त्याच्या ऐवजी विराटने अनुभवी वृद्धीमान साहाची निवड केली आहे. फिरकीपटू म्हणून आर अश्विन तर जलद गोलंदाजांमध्ये अपेक्षे प्रमाणे उमेश यादव, मोहम्मद शमी आणि जसप्रीत बुमराह यांचा समावेश केला गेलाय. संघात शुभमन गिल आणि केएल राहुल यांना स्थान मिळवता आले नाही.

वाचा- IND vs AUS Test: भारताचा ऑस्ट्रेलियाशी पंगा; पहिल्या कसोटीत कोणाचे पारडे जड?