भारतीय संघाचा श्रीलंका दौरा; क्रिकेटपटू म्हणाला, हा तर आमचा अपमान

कोलंबो: शिखर धवनच्या नेतृत्वाखाली भारतीय क्रिकेट संघ श्रीलंकेच्या दौऱ्यावर दाखल झाला आहे. या दौऱ्यात भारत आणि श्रीलंका यांच्यात प्रत्येकी ३ सामन्यांची वनडे आणि टी-२० मालिका होणार आहे. पण भारतीय संघाच्या या दौऱ्यावरून एका माजी क्रिकेटपटूने श्रीलंकेच्या क्रिकेट बोर्डावर टीका केली आहे.

वाचा- इंजेक्शन घेऊन उतरला होता WTC फायनल सामन्यात हा खेळाडू; आता घेतला मोठा निर्णय

श्रीलंकेचा माजी कर्णधार अर्जुन रणतुंगाने मर्यादीत षटकांच्या मालिकेसाठी दुसऱ्या दर्जाचा भारतीय संघासोबत क्रिकेट खेळण्यावरून स्वत:च्या देशाच्या क्रिकेट बोर्डावर जोरदार टीका केली आहे. हा दौरा अपमानापेक्षा कमी नाही, असे तो म्हणाला. दोन्ही संघात १३ जुलैपासून तीन सामन्यांची वनडे मालिका सुरू होणार आहे. त्यानंतर टी-२० मालिका होईल.

वाचा- चॅम्पियन झाल्यावर विराटच्या खांद्यावर डोक का ठेवले? केन विलियमसनने केला खुलासा

भारतीय क्रिकेट संघाचा कर्णधार विराट कोहली आणि मर्यादित षटकाचा उपकर्णधार रोहित शर्मा इंग्लंड दौऱ्यावर आहेत. तेथे ते पाच सामन्यांची कसोटी मालिका खेळणार आहेत. यामुळेच शिखर धवनच्या नेतृत्वाखाली युवा खेळाडूंचा संघ श्रीलंका दौऱ्यावर पाठवण्यात आलाय. या संघात असे सहा खेळाडू आहेत त्यांनी एकही आंतरराष्ट्रीय सामना खेळला नाही.

वाचा- लाजिरवाण्या विक्रमातून भारतीय संघाची झाली सुटका; या संघाने टीम इंडियाला मागे टाकले

माजी क्रिकेटपटू आणि दोन वर्षापूर्वी सरकारमध्ये मंत्री राहिलेल्या रणतुंगा यांनी सांगितले, हा भारताचा दुय्यम संघ आहे आणि त्याचे येथे येणे हा आपल्या क्रिकेटचा अपमान आहे. मी टीव्ही मार्केटिंगची गरज पूर्ण करण्यासाठी त्यांच्या(भारत) सोबत खेळण्यास तयारी दाखवणाऱ्या सद्याच्या क्रिकेट प्रशासनाला दोषी मानतो.

वाचा- भारतीय संघाला सेटबॅक; BCCI ने दिली मोठी अपडेट

भारताने त्यांचा सर्वोत्तम संघ इंग्लंडला पाठवला आहे तर कमकुवत संघ श्रीलंका दौऱ्यावर पाठवला आहे. यासाठी मी श्रीलंकेच्या क्रिकेट बोर्डाला दोषी मानतो.