पुणे: भारत विरुद्ध दक्षिण आफ्रिकेच्या पहिल्या कसोटी सामन्यात द्विशतक ठोकणाऱ्या मयांक अग्रवालनं दुसऱ्या कसोटी सामन्याचा पहिला दिवसही गाजवला. रोहित शर्मासोबत डावाची सुरुवात करणाऱ्या मयांकनं आज पुन्हा दणदणीत शतक ठोकलं. कसोटी कारकिर्दीतील त्याचं हे दुसरं शतक आहे. या शतकाच्या जोरावर भारतानं अर्ध्या दिवसातच २०० धावांचा टप्पा ओलांडला आहे.
पाहा: भारत-द. आफ्रिका कसोटीचे स्कोअरकार्ड
गहुंजे येथील महाराष्ट्र क्रिकेट असोसिएशनच्या स्टेडियमवर सुरू असलेल्या सामन्यात भारतानं आज नाणेफेक जिंकून प्रथम फलंदाजी घेतली. पहिला सामना शतकांची बरसात करून पहिली कसोटी गाजवणारी मयांक आणि रोहितची जोडी आज मैदानात उतरली. मात्र, सलामीची जोडी आज लवकर फुटली. रोहित शर्मानं ३५ चेंडूत अवघ्या १४ धावा केल्या. कागिसो रबाडानं त्याला बाद केलं. त्याच्यानंतर आलेल्या चेतेश्वर पुजारासोबत मयांकनं खेळपट्टीवर नांगर टाकला आणि शतक पूर्ण केलं. पुजारानंही त्याला उत्तम साथ देत अर्धशतक साजरं केलं. त्यानं ११२ चेंडूत ५८ धावा केल्या. पुजारा देखील रबाडाच्याच एका चेंडूवर फसला आणि झेलबाद झाला. त्यानंतर रबाडानेच मयांकला फाफ ड्युप्लेसिसकरवी झेलबाद केले. मयांकनं १९५ चेंडूत १०८ धावा केल्या.
आतापर्यंत फक्त पाच आंतरराष्ट्रीय कसोटी सामने खेळलेल्या मयांकच्या नावावर दोन शतके आणि तीन अर्धशतके आहेत.
कागिसो रबाडाची कमाल
दक्षिण आफ्रिकेकडून कागिसो रबाडाने गोलंदाजीत कमाल केली. टीम इंडियाचे पहिले तिन्ही फलंदाज कागिसो रबाडाने तंबूत धाडले. रोहित शर्माला बाद करून त्यानं सलामीची जोडी फोडली. त्यानंतर चेतेश्वर पुजारा व मयांकला बाद केले. रबाडानं आतापर्यंत टाकलेल्या १६ षटकांमध्ये २.६२ च्या सरासरीनं अवघ्या ४२ धावा दिल्या असून तीन बळी टिपले आहेत.
वाचा: मैदानावर पाय ठेवताच विराटनं केला 'हा' विक्रम
पाहा: भारत-द. आफ्रिका कसोटीचे स्कोअरकार्ड
गहुंजे येथील महाराष्ट्र क्रिकेट असोसिएशनच्या स्टेडियमवर सुरू असलेल्या सामन्यात भारतानं आज नाणेफेक जिंकून प्रथम फलंदाजी घेतली. पहिला सामना शतकांची बरसात करून पहिली कसोटी गाजवणारी मयांक आणि रोहितची जोडी आज मैदानात उतरली. मात्र, सलामीची जोडी आज लवकर फुटली. रोहित शर्मानं ३५ चेंडूत अवघ्या १४ धावा केल्या. कागिसो रबाडानं त्याला बाद केलं. त्याच्यानंतर आलेल्या चेतेश्वर पुजारासोबत मयांकनं खेळपट्टीवर नांगर टाकला आणि शतक पूर्ण केलं. पुजारानंही त्याला उत्तम साथ देत अर्धशतक साजरं केलं. त्यानं ११२ चेंडूत ५८ धावा केल्या. पुजारा देखील रबाडाच्याच एका चेंडूवर फसला आणि झेलबाद झाला. त्यानंतर रबाडानेच मयांकला फाफ ड्युप्लेसिसकरवी झेलबाद केले. मयांकनं १९५ चेंडूत १०८ धावा केल्या.
आतापर्यंत फक्त पाच आंतरराष्ट्रीय कसोटी सामने खेळलेल्या मयांकच्या नावावर दोन शतके आणि तीन अर्धशतके आहेत.
कागिसो रबाडाची कमाल
दक्षिण आफ्रिकेकडून कागिसो रबाडाने गोलंदाजीत कमाल केली. टीम इंडियाचे पहिले तिन्ही फलंदाज कागिसो रबाडाने तंबूत धाडले. रोहित शर्माला बाद करून त्यानं सलामीची जोडी फोडली. त्यानंतर चेतेश्वर पुजारा व मयांकला बाद केले. रबाडानं आतापर्यंत टाकलेल्या १६ षटकांमध्ये २.६२ च्या सरासरीनं अवघ्या ४२ धावा दिल्या असून तीन बळी टिपले आहेत.
वाचा: मैदानावर पाय ठेवताच विराटनं केला 'हा' विक्रम