Jhulan Goswami Record: झूलन गोस्वामीने इतिहास घडवला; असा विक्रम आजवर कोणी केली नाही

नवी दिल्ली: न्यूझीलंडमध्ये सध्या आयसीसी महिला वर्ल्डकप सुरू आहे. या स्पर्धेत आज बुधवारी भारत आणि इंग्लंड यांच्यातील साखळी फेरीतील लढत सुरू आहे. या लढतीत भारताची अनुभवी जलद गोलंदाज झूलन गोस्वामीने वर्ल्ड रेकॉर्ड केला. झूलनने अशी कामगिरी केली आहे जी महिला क्रिकेटमध्ये आजवर कोणाला करता आली नाही.

वाचा- रोहित, विराट वर्षभरात जितकी कमाई करतात तितकी हा खेळाडू ७ दिवसात कमावतो

इंग्लंडविरुद्धच्या लढतीत झूलनने तिची पहिली विकेट घेताच एक नवा इतिहास लिहला गेला. महिला वनडे क्रिकेटच्या इतिहासात आजवर कोणत्याही गोलंदाजाला २५० विकेट घेता आल्या नव्हत्या. ही कामगिरी आता झूलनच्या नावावर झाली आहे. इतक नाही तर झूलनची ही ३५०वी विकेट ठरली आहे. भारतीय संघाने इंग्लंडसमोर १३५ धावांचे किरोकळ आव्हान दिले. इंग्लंड संघाची सुरुवात खराब झाली. डेनियल वेटच्या रुपाने त्यांना पहिला धक्का बसला. मेघना सिंहने एक धावसंख्येवर तिला बाद केले. त्यानंतर जॅमी ब्यामॉन्टला झूलनने LBW बाद केले आणि २५०वी विकेट मिळवली. झूलनची ही १९९ मॅच आहे आणि वनडे क्रिकेटच्या इतिहासात ती सर्वाधिक विकेट घेणारी महिला क्रिकेटपटू ठरली आहे. याआधी २०० विकेट घेणारी ती पहिली गोलंदाज ठरली होती. त्यानंतर अद्याप एकाही गोलंदाजाला २०० विकेटचा टप्पा पार करता आला नाही.

वाचा- BCCI अ‍ॅक्शन मोडमध्ये ; चूक केल्यास १ कोटीचा दंड आणि मॅच खेळण्यावर बंदी

वनडेत सर्वाधिक विकेट घेणाऱ्या महिला क्रिकेटपटू (Most Wickets In Women ODI Cricket)
झूलन गोस्वामी, भारत- २५० विकेट
कॅथरीन लॉरेन, ऑस्ट्रेलिया- १८०
अनीसा मोहम्मद, वेस्ट इंडिज-१८०
शबनॅम इस्माइल, द.आफ्रिका- १६८
कॅथरीन ब्रंट, इंग्लंड- १६४

वाचा- आशिया कप २०२२साठीची मोठी अपडेट; गांगुली आणि जय शहा बैठकीसाठी जाणार

इंग्लंडविरुद्धच्या सामन्याचा विचार करायचा झाल्यास प्रथम फलंदाजी करत भारताने फक्त १३४ धावा केल्या. ३६.४ षटकात त्यांचा ऑलआउट झाला. भारताच्या फक्त चार फलंदाजांना दुहेरी धावसंख्या करता आली. त्यानंतर खराब सुरुवातीनंतर देखील इंग्लंडने ३१.२ षटकात ६ विकेटच्या बदल्यात विजय मिळवला.