भारतासाठी पहिला सामना खेळताच विक्रम रचणार हा खेळाडू, हार्दिकच्या कॅप्टन्सीत लॉटरी लागणार?

India vs New Zealand: भारत आणि न्यूझीलंड यांच्यातील तीन टी-२० मालिकेतील पहिला सामना उद्या १८ नोव्हेंबर रोजी होणार आहे. टीम इंडियाची धुरा आता हार्दिक पांड्याकडे आहे. टीम इंडिया टी-२० वर्ल्ड कप २०२२ मधील पराभव आता विजयात बदलायचा प्रयत्न करेल. हार्दिक पांड्याच्या नेतृत्वाखाली स्टार खेळाडूचे नशीब नक्कीच चमकू शकते. जर या खेळाडूने पदार्पण केले तर तो एक मोठा विक्रम आपल्या नावे करेल.

हा खेळाडू करु शकतो पदार्पण

भारताचा स्टार फलंदाज शुभमन गिलने (Shubman Gill) टीम इंडियाला अनेक सामने स्वबळावर जिंकून दिले आहेत. मात्र आतापर्यंत त्याला टी-२० संघात पदार्पण करण्याची संधी मिळाली नाही. मात्र, तो न्यूझीलंडविरुद्ध त्याच्या करिअरचा पहिला टी-२० सामना खेळू शकतो. कारण केएल राहुल आणि रोहित शर्मा या दोघांनाही या दौऱ्यात विश्रांती देण्यात आली आहे. अशा स्थितीत शुभमन गिल याला लॉटरी लागू शकते.

हेही वाचा -तुम्हीही व्हिस्कीमध्ये थंड पाणी मिक्स करता? पाहा तज्ज्ञ काय सांगतात

भारताकडून खेळणारा १०० वा खेळाडू

जर शुभमन गिलने न्यूझीलंडविरुद्धच्या पहिल्या टी-२० सामन्यात पदार्पण केले तर त्याचे नाव इतिहासाच्या पानांमध्ये सुवर्ण अक्षरात नोंदवले जाईल. कारण टीम इंडियासाठी आतापर्यंत ९९ खेळाडूंनी टी-२० क्रिकेटमध्ये पदार्पण केले आहे. भारताकडून टी-२० सामना खेळणारा तो १०० वा खेळाडू ठरणार आहे.

हेही वाचा -कॅप्टनच्या चुकीच्या निर्णयांमुळे वर्ल्ड कप हातातून निसटला, रोहित शर्माचं नेमकं काय चुकलं?

शुभमन गिल हा एक असा खेळाडू आहे जो स्फोटक फलंदाजीत माहिर आहे. २३ वर्षीय हा खेळाडू मोठ्या इनिंग्स खेळण्यासाठी प्रसिद्ध आहे. आयपीएल २०२२ मध्ये त्याने गुजरात टायटन्सला स्वबळावर विजेतेपद मिळवून दिले होते. गिलने भारतासाठी ११ टी-२० सामन्यांमध्ये ५७९ धावा आणि १२ एकदिवसीय सामन्यांमध्ये ५७९ धावा केल्या आहेत, ज्यात एका शतकाचा समावेश आहे.