आंतरराष्ट्रीय टी-२० क्रिकेटमध्ये अर्शदीपने इतिहास घडवला; आजवर कोणीही करू शकले नाही असा पराक्रम

तिरुवनंतपूरम: दक्षिण आफ्रिकेविरुद्ध झालेल्या पहिल्या टी-२० सामन्यात भारताने ८ विकेटनी विजय मिळवाल आणि ३ सामन्यांच्या मालिकेत १-० अशी आघाडी घेतली. ग्रीनफिल्ड इंटरनॅशनल स्टेडियमवर झालेल्या या लढतीत भारताचा कर्णधार रोहित शर्माने टॉस जिंकून प्रथम गोलंदाजी करण्याचा निर्णय घेतला होता.

भारताचे जलद गोलंदाज दीपक चहर आणि अर्शदीप सिंग (Arshdeep Singh) यांच्या घातक गोलंदाजीसमोर दक्षिण आफ्रिकेच्या फलंदाजांनी लोटागंण घातले, त्यांना २० षटकात ८ बाद १०६ धावा करता आल्या. भारताकडून केएल राहुल आणि सूर्यकुमार यादव यांनी नाबाद अर्धशतक करत विजय मिळून दिला.

या सामन्यात अनेक विक्रमांची नोंद झाली यात असा एक विक्रम झाला आहे जो आंतरराष्ट्रीय क्रिकेटमध्ये आजवर कोणाला करुन दाखवता आली नाही. भारतीय गोलंदाज अर्शदीप आणि दीपक यांच्या गोलंदाजीने आफ्रिकेची दाणादाण उडवली. या दोघांनी मिळून ३ षटकात आफ्रिकेचा निम्मा संघ माघारी पाठवला होता.

वाचा- अर्शदीप आणि चहरपुढे दक्षिण आफ्रिकेचे लोटांगण, पहिल्याच सामन्यात ओढवली मोठी नामुष्की

भारताकडून दुसरे आणि स्वत:चे पहिले षटक टाकणाऱ्या अर्शदीपने ओव्हरच्या दुसऱ्या चेंडूवर क्विंटन डी कॉकला बोल्ड केले. त्याच ओव्हरच्या पाचव्या चेंडूवर त्याने राइली रुसोला बाद केले. तर अखेरच्या चेंडूवर डेव्हिड मिलर (David Miller)ला बोल्ड करत माघारी पाठवले. मिलरची विकेट घेत अर्शदीपने अशी कामगिरी केली जी आजवर जगातील एकाही गोलंदाजाला करता आली नाही.

टी-२० क्रिकेटच्या इतिहासात असे प्रथमच घडले आहे की जेव्हा एखाद्या गोलंदाजाने मिलरला शून्यावर बाद केले. मिलरने आतापर्यंत १०४ आंतरराष्ट्रीय टी-२० सामने खेळले आहेत. त्यापैकी ९० डावात त्याने ३२.४०च्या सरासरीने १ हजार ९४४ धावा केल्या. पण तो कधीच शून्यावर बाद झाला नव्हता. आजवर आंतरराष्ट्रीय क्रिकेटमध्ये एकाही गोलंदाजाला जमेल नाही ते अर्शदीपने करून दाखवले.

वाचा- भारताविरुद्धचा पराभव ऑस्ट्रेलियाला झोंबला; टी-२० वर्ल्डकपच्या आधी फिंचची...


सर्वाधिक डावात शून्यवर बाद न होणाऱ्या (Most Innings Without Duck) फलंदाजांच्या यादीत भारताचा माजी कर्णधार महेंद्र सिंह धोनी दुसऱ्या स्थानावर आहे. धोनीने शून्यावर बाद न होता सलग ८५ डाव खेळले आहेत. न्यूझीलंडचा मार्टिन गप्टिल तिसऱ्या, पाकिस्तानचा शोएब मलिक चौथ्या तर बांगलादेशचा महमुदूल्लाह पाचव्या स्थानावर आहे.

काही दिवासांपूर्वी झालेल्या आशिया कप स्पर्धेत पाकिस्तानविरुद्धच्या सामन्यात अर्शदीप सिंगने एक सोपा कॅच सोडला होता आणि त्यामुळे त्याला ट्रोल करण्यात आले होते. पण काल झालेल्या सामन्यात अर्शदीपने अशी कामगिरी केली जी आजवर कोणाला करता आली नाही. या सामन्यात अर्शदीपने ४ ओव्हरमध्ये ३२ धावा देत ३ विकेट घेतल्या.