धर्मशाला: भारत विरुद्ध दक्षिण आफ्रिका यांच्यात तीन टी-२० सामन्यांच्या मालिकेतील पहिला टी-२० सामना आज धरमशाला येथील स्टेडियमवर होत असून या सामन्यावर पावसाचे सावट आहे. धरमशालात गेल्या दोन दिवसांपासून पावसाचा मुक्काम असून आज दुपारीही पावसाने जोरदार हजेरी लावली. त्यामुळे सामन्यासाठी उत्सुक असलेल्या चाहत्यांच्या चिंतेत भर पडली आहे.
हिमाचल प्रदेश क्रिकेट संघटनेच्या स्टेडियमवर सायंकाळी सात वाजल्यापासून सामना सुरू होणार आहे. सामन्याआधी पाऊस पूर्णपणे थांबल्यास पूर्ण ४० षटकांचा खेळ होईल, असे सांगण्यात येत आहे. या मैदानावर पाण्याचा निचरा करण्याची व्यवस्था चांगली आहे. त्यामुळे पावसाने काही तास उसंत घेतल्यास कमी षटकांचा सामना होऊ शकतो, अशी आशा आहे. तशीच वेळ आल्यास ५-५ षटकांचाही सामना होईल व तो अधिकृत असेल, असेही सूत्रांचे म्हणणे आहे.
दरम्यान, आज अधूनमधून गडगडाटासह पाऊस पडेल असा अंदाज हवामान विभागाने वर्तवला आहे. आज दुपारी पावसाने जोरदार हजेरी लावली. त्यानंतर पावसाचा जोर काहीसा ओसरला आहे. बीसीसीआयचे माजी अध्यक्ष अनुराग ठाकूर यांच्या कार्यालयाने दुपारी ३ वाजून ९ मिनिटांनी एक व्हिडिओ ट्विट केला असून त्यात स्टेडियम परिसरात पाऊस पडत असल्याचे व मैदानाचा बहुतांश भाग कव्हर्सद्वारे झाकण्यात आल्याचे दिसत आहे. त्यानंतर ४ वाजून २२ मिनिटांनी आणखी एक व्हिडिओ ट्विट करण्यात आला असून त्यात पाऊस थांबल्याचे व ग्राऊंड स्टाफ युद्धपातळीवर मैदान खेळासाठी सज्ज करत असल्याचे दिसत आहे.
हिमाचल प्रदेश क्रिकेट संघटनेच्या स्टेडियमवर सायंकाळी सात वाजल्यापासून सामना सुरू होणार आहे. सामन्याआधी पाऊस पूर्णपणे थांबल्यास पूर्ण ४० षटकांचा खेळ होईल, असे सांगण्यात येत आहे. या मैदानावर पाण्याचा निचरा करण्याची व्यवस्था चांगली आहे. त्यामुळे पावसाने काही तास उसंत घेतल्यास कमी षटकांचा सामना होऊ शकतो, अशी आशा आहे. तशीच वेळ आल्यास ५-५ षटकांचाही सामना होईल व तो अधिकृत असेल, असेही सूत्रांचे म्हणणे आहे.
दरम्यान, आज अधूनमधून गडगडाटासह पाऊस पडेल असा अंदाज हवामान विभागाने वर्तवला आहे. आज दुपारी पावसाने जोरदार हजेरी लावली. त्यानंतर पावसाचा जोर काहीसा ओसरला आहे. बीसीसीआयचे माजी अध्यक्ष अनुराग ठाकूर यांच्या कार्यालयाने दुपारी ३ वाजून ९ मिनिटांनी एक व्हिडिओ ट्विट केला असून त्यात स्टेडियम परिसरात पाऊस पडत असल्याचे व मैदानाचा बहुतांश भाग कव्हर्सद्वारे झाकण्यात आल्याचे दिसत आहे. त्यानंतर ४ वाजून २२ मिनिटांनी आणखी एक व्हिडिओ ट्विट करण्यात आला असून त्यात पाऊस थांबल्याचे व ग्राऊंड स्टाफ युद्धपातळीवर मैदान खेळासाठी सज्ज करत असल्याचे दिसत आहे.